Frode Grytten

Frå Wikipedia – det frie oppslagsverket

Frode Grytten (f. 11. desember 1960) er ein norsk forfattar og journalist. Han voks opp på industristaden Odda i Hardanger. Grytten tek mange gonger utgangspunkt i miljøet i Odda.

Seinare studerte han i Bergen, og har sidan budd der. Ei tid var han journalist i avisa Bergens Tidende, men har etter kvart vorte forfattar på heiltid.

Grytten skriv for det meste på nynorsk.

For romanen Bikubesong fekk Grytten Brageprisen i 1999 og vart nominert til Nordisk Råds litteraturpris. Bikubesong er omsett til fleire språk. I tillegg er det laga eit teaterstykke med grunnlag i boka. I 2004 var han festspeldiktar under Dei Nynorske Festspela.

[endre] Utgjevingar

• 1983 Start. Diktsamling.
• 1986 Dans som en sommerfugl - stikk som en bie. Novellesamling
• 1990 Langdistansesvømmar. Noveller
• 1993 80 grader aust for Birdland. Ni noveller.
• 1995 Meir enn regn. Novellesamling
• 1997 Heim att til 1990-åra. Noveller
• 1999 Bikubesong. Kollektivroman
• 1999 Frosken Vertigo og det store spranget. Barnebok
• 2001 Popsongar. Noveller.
• 2002 Dublin. Reiseskildring
• 2004 Hull & sønn (Humorbok saman med Marvin Halleraker)
• 2005 Bikubegang : 24 stopp i Frode Gryttens univers
• 2005 Flytande bjørn. Roman

[endre] Prisar

• 2005 - Rivertonprisen for Flytande bjørn