HSD

Frå Wikipedia – det frie oppslagsverket

HSD sin snøggbåt M/S «Draupner» på Vågen i Bergen. Foto: Harald Sætre

HSD ASA (Hardanger Sunnhordlandske Dampskipsselskap) er eit transportkonsern med hovudkontor i Bergen. Konsernet er notert på Oslo Børs med ticker HSD.

Selskapet har 2 100 tilsette over heile Noreg. HSD har delt verksemda opp i tre dotterselskap:

HSD Sjø AS
HSD Buss AS
HSD Transport AS* (Dette selskapet vart seld til Posten i 2005. HSD har dermed avslutta sitt 125-årige engasjement innan godstransport.)

Konsernsjef er Dagfinn Neteland.

HSD Sjø driv snøggbåt- og ferjeruter i Hordaland fylke og «Flaggruten» mellom Bergen og Stavanger. Kvart år reiser 2 millionar passasjerar med HSD Sjø AS og i 2003 frakta ferjerene i selskapet 4,6 mill bilar. HSD Sjø AS har 760 tilsette, 31 ferjer og 10 snøggbåtar.

HSD Buss driv rute- og turkøyring med buss i Hordaland og deltar i fleire ekspressbussruter saman med samarbeidspartnarar i heile Sør- og Midt-Noreg. Selskapet har 630 bussar og frakta i 2003 15 mill passasjerar.

(HSD Transport dreiv godstransport med ruter over heile landet, og hadde eit internasjonalt tilbod gjennom samarbeid med Frans Maas Norge AS. HSD Transport blei eige aksjeselskap frå 1. januar 2001, og hadde omlag 130 tilsette. Posten overtok selskapet i 2005 og arbeider med å samordne aktiviteten med sine andre datterselskap, Nor-Cargo og Nettlast)

I 2003 hadde selskapet ei omsetning på 1,83 mrd. kroner. Konsernet har ca 2 100 tilsette. Dette inkluderer dei tilsatte i tidligare BNR, som kom inn i selskapet frå årsskiftet 2001/2002, og tilsette frå Haugaland Billag som kom til hausten 2003. Dei fleste av desse arbeider i dotterselskapa HSD Buss, HSD Sjø og i HSD Transport.

HSD har vore ein del omtala i media, særleg etter Sleipner-forliset den 26. november 1999, der M/S «Sleipner» gjekk på grunn og sokk ved Store Bloksen utanfor Haugesund, med tap av 16 menneskeliv. 5. januar 2000 (litt over ein månad seinare) kolliderte ein annen snøggbåt, M/S «Baronen» med ein gjenstand i sjøen utanfor Flesland flyplass ved Bergen. Båten tok inn vatn, og gjekk til kai ved Flesland. Alle passasjerane slapp frå uhellet fysisk uskadd. M/S «Baronessa» gjekk på grunn ved Ranavik på Halsnøy den 19. april 2004. I 2003 bles både kapteinen, styrmannen og ein tredje tilsett på ferja M/F «Os» raudt i ei såkalla utåndingsprøve. Då var det mindre enn eitt år sidan eit anna mannskap vart teke for fyll på den same bilferja.

Hausten 2005 blei det lansert planar om ein fusjon mellom HSD og busslaget Gaia Trafikk. Fusjonen måtte godkjennast av bystyret i Bergen, fordi Bergen Kommune er største aksjonær i Gaia Trafikk. I juni 2006 godkjente fleirtalet i bystyret fusjonsplanane, men med merknader om kommunen sin sendemann berre skulle røyste for fusjonen om styreleiaren i det fusjonerte selskapet var ei kvinne. Samstundes vedtok bystyret samrøystes å anmode kommunen om å arbeide for at nynorsk skulle vere forretningsspråk i det nye selskapet.

[endre] Historie

1880 HSD vart stiftet etter sammenslutting av selskapa Interesseselskapet Hardangeren (1869) og Det Søndhordlandske Dampskibselskab (1871)
1883 HSD tok over Det Vestlandske Dampskibselskab
1890 HSD starta landliggerbyrå (reisebyrå)
1928 Første bilferje (kombinert med gods og passasjerar). HSD var det første ruteselskapet i Noreg som starta bilruter
1938 Første reine bilferje vart levert - M/F «Folgefonn»
1950 Ei klasse for alle reisande
1955 HSD tok over 10 lokale bilselskap og HSD Bilane vart stifta
1961 HSD kjøpte inn hydrofoilbåt - M/S «Teisten»
1962 HSD tok over Det Midthordlandske Dampskipsselskap
1974 Sameiget «Flaggruten» vart stiftet (HSD, DSD, SDA)
1991 HSD tok over Flaggruten
1998 HSD tok over Voss Frakt
1999 HSD Buss AS vart etablert – Bergen Hardanger Voss Billag kom inn i HSD
2000 Fusjon med Vest Trafikk, som vart ein del av HSD Buss AS
2000 HSD Sjø AS vart etablert
2001 HSD Transport AS vart etablert
2001 HSD tok over buss-, gods- og ferjedrifta i Bergen Nordhordland Rutelag
2003 HSD overtok Haugaland Billag [NRK Hordaland]
2005 HSD feira 125 års jubileum
2005 HSD og Stavangerske oppretta selskapet Nor Ferjer for drift av ferjesamband med anbod.
2005 HSD Transport AS vart seld til Posten

[endre] Tidlegare HSD skip

[endre] Dampskip

D/S «Hardangeren» av 1880 (HSD 1880 – 1950)
D/S «Søndhordland» av 1872 (HSD 1880 – 1949)
D/S «Hordaland» av 1880. (HSD 1880-1936)
D/S «Folgefonden» av 1883. (HSD 1883-1908)
D/S «Vikingen» av 1865. (HSD 1883-1898)
D/S «Lyderhorn» av 1878. (HSD 1883-1916)
D/S «Vøringen» av 1891. (HSD 1891-1951)
D/S «Vikingen» av 1900. Seinare D/S «Vøringen» (1957) og D/S «Tyssedal» (1959) (HSD 1900-1959)
D/S «Ullensvang» av 1907. Seinare D/S «Ullensvang II» (1952) (HSD 1907-1952)
D/S «Rosendal» av 1909. (HSD 1909-1952)
D/S «Tyssedal» av 1911. (HSD 1911-1941)
D/S «Stord» av 1913. (HSD 1913-1969, motorskip frå 1949)
D/S «Hardangerfjord» av 1913. (HSD 1913-1949)
D/S «Fjæra» av 1869. (HSD 1916-1949)
D/S «Ulvik» av 1886. (HSD 1922-1938)
D/S «Ternen» av 1897. (HSD 1923-1957)
D/S «Aalvik» av 1929. (HSD 1929-1962)

[endre] Motorskip

M/S «Austli» av 1917. (HSD 1920-1948)
M/S «Haugland I» av 1929. (HSD 1929-1946)
M/S «Tysnes» av 1930. (HSD 1930-1963)
M/S «Kinsarvik» av 1930. (HSD 1930-1959)
M/S «Granvin» av 1931. (HSD 1931-1968)
M/S «Eidfjord» av 1935. (HSD 1935-1973)
M/S «Hordaland» av 1937. (HSD 1937-1970)
M/S «LCG (L) 681» av 1945. (HSD 1947-1949)
M/S «Sunnhordaland» av 1943. (HSD 1947-1974)
M/S «Bremnes» av 1949. Seinare M/S «Bremnesing» (1978). (HSD 1949-1978)
M/S «Kvinnherad» av 1950. (HSD 1950-1957)
M/S «Bjoa» av 1932. (HSD 1950-1967)
M/S «Ullensvang» av 1952. (HSD 1952-1980)
M/S «Ulvik» av 1952. (HSD 1952-1972)
M/S «Halsnøy» av 1957. (HSD 1957-1981)
M/S «Hardangerfjord» av 1959. Seinare M/S «Hardangerfjord I» (1982) (HSD 1959-1982)
M/S «Teisten» av 1961. (HSD 1961-1969)
M/S «Midthordland» av 1947. (HSD 1962-1971)
M/S «Etne» av 1962. (HSD 1962-1983)
M/S «Tjelden» av 1963. Seinare M/S «Tranen» (1980). (HSD 1962-1982)
M/S «Teisten» av 1970. (HSD 1970-1988)
M/S «Tedno» av 1973. Seinare M/S «Tedno I» (1992) og M/S «Hardangerfjord» (1996). (HSD 1962-1999)
M/S «Sunnhordland» av 1975. (HSD 1975-1999)
M/S «Bremnes» av 1978. (HSD 1978-1990)
M/S «Tjelden» av 1980. (HSD 1980-1989)
M/S «Midhordaland» av 1981. Seinare M/S «Midthordaland» (1982) (HSD 1981-1994)
M/S «Karmsund» av 1979. (HSD 1982-1990)
M/S «Hardangerfjord» av 1982. (HSD 1982-1994)
M/S «Vøringen» av 1983. (HSD 1983-1989)
M/S «Røyksund» av 1985. (HSD 1985-1990)
M/S «Øygar» av 1975. Seinare M/S «Teisten» (1988) (HSD 1986-1995)
M/S «Concorde II» av 1988. Seinare M/S «Tranen» (1991) (HSD 1990-1995)
M/S «Sleipner» av 1989. (HSD 1992-1997)
M/S «Draupner» av 1989. Seinare Tyrving (1999) (HSD 1992-2002)
M/S «Gullving» av 1984. (HSD 1993-1994)
M/S «Bremnes» av 1976. (HSD 1994-1999)
M/S «Baronessa» av 1994 (HSD 1994-2005)
M/S «Sleipner» av 1999. (HSD 1999-1999)