Montangne
From Wikipedia
|
Ch't' articl'ye fut c'menchie en Jèrriais
 |
Eune montangne (
maontogne, 
mountanne) est du tèrrain tch'est pus haut qu'la bâsse tèrre à l'entou. Nou dithait qu'eune montangne est pus haute qu'un mont, mais y'a bein des montangnes tch'ont nom mont.
Cont'nu |
[amendaer] Géographie
Nou trouve souvent des montangnes en chaîne, sustout ès bords d'pliats tectonniques tchi lus rencontrent.
Un quart du tèrrain d'la Tèrre est montangneux. Nou-s'a caltchulé qu'la maîntchi d'l'Âsie est montangneuse, un tchièrs d'l'Améthique du Nord, un quart d'l'Ûrope, un chîntchième d'l'Améthique du Sud, dans les 17% d'l'Australie et raîque 3% d'l'Afrique.
- Everest, (8,848 m) est la pus haute montangne du monde et la pus haute montangne en Âsie.
- La pus haute montangne en Ûrope est l'Mont Elbrus (5,642 m).
- La pus haute montangne en Améthique du Nord est l'Mont McKinley (6,194 m)
- La pus haute montangne en Améthique du Sud est Aconcagua (6,962 m)
- La pus haute montangne en Afrique est Kilimandgiaro (5,895 m)
[amendaer] Des montangnes
- Montangnes Rotcheuses
- Alpes
- Montangne d'la Tabl'ye
- Montangnes d'Atlas
- Blianc Mont
- Caucase
- Oural
[amendaer] Montangne dé feu
Eune montangne dé feu ou montangne brûlante est eune montangne tch'a 'té grée par l'action volcannique d'la tèrre et poussée par l'rotchi fondu dé d'dans la Tèrre.
[amendaer] Montangne dé gliaiche
Eune montangne dé gliaiche est eune île dé gliaiche, s'pathée d'la couvèrtuthe dé gliaiche ès pôles, qu'nou trouve dans l's ochéans du Nord et du Sud.
[amendaer] Diton
- I' n'faut pon faithe eune montangne d'eune taupinniéthe
