Wikipèdia:Critèris d'admissibilitat dels articles
Un article de Wikipèdia, l'enciclopèdia liura.
 |
Lo contengut d'aquesta pagina es considerat coma una recomandacion sus Wikipèdia. Descriu una conducha estandard que lo principi n'es acceptat per un grand nombre d'editors mas a pas fach l'objècte d'un consens. E mai siá conselhat de seguir aquesta conducha, ça que la es pas una règla oficiala decretada aprèp una presa de decision. Podètz doncas modificar aquesta pagina liurament, mas utilizatz la pagina de discussion per prepausar una modificacion majora. |
Aquestes critèris d'admissibilitat d’articles, fòrça incomplets, balhan qualques critèris utilizats per determinar s'un article a sa plaça dins Wikipèdia. Un cèrt nombre de cases son ja prevists dins Çò que Wikipèdia es pas. Son prevists per èsser citats dins las decisions se prenent dins la lista de las paginas de suprimir.
[Modificar] Admission d’articles
Existís pas cap de procedura d'admission a priori : cada visitor pòt crear a tot moment un article sus un subjècte quin que siá. Es çaquelà desirable d'èsser entre-senhat sus las convencions en vigor dins Wikipèdia abans de crear un article, en particular las convencions suls títols e la neutralitat de punt de vista.
Un còp l'article creat, apareis automaticament dins Special:Newpages e Special:Recentchanges. Aquestas paginas son de longa susvelhadas per de Wikipedians per procedir al contraròtle a posteriori sul qual Wikipèdia es basat. Un article novèl pòt èsser considerat de tres biaisses :
- Es clarament benefice a Wikipèdia, res de senhalar.
- Abusa clarament de Wikipèdia, es blanquit e escafat sens procès.
- Tomba dins la zona grisa d’articles de la valor discutibla, lo bendèl {{supression}} es ajustat al naut e una procedura de supression es entamenada dins la lista de las paginas de suprimir.
La procedura de supression consistís a reculhir un consensus per suprimir o conservar l'article. La durada d'aquesta procedura es generalament d'una setmana. En cas de debat, la procedura pòt durar fins a doas setmanas.
[Modificar] Critèris generals
Los articles consistent en una simpla definicion d'un mot del lengatge corrent, sens contengut enciclopedic vertadièr, son d’evitar. La melhora solucion fàcia a aqueste tipe d'article consistís... tot simplament a l'enriquir. Lo problèma principal risca d'èsser rencontrat quand un editor insistís per produire un grand nombre d'articles d’aqueste tipe. Veire tanben Wikipèdia:Wikipèdia es pas un diccionari.
Una règla, que pareis evidenta mas i a quitament d’articles que la respèctan pas, es que l'article siá escrich en lenga occitana.
[Modificar] Critèris especifics
[Modificar] Biografias
Per evitar que Wikipèdia devenga un mejan d'auto-promocion per de personas encara desconegudas dins lor domeni, es conselhat de consacrar d’articles solament a las personas respondent almens a un dels critèris seguents :
[Modificar] Artistas
Un artista o un grop d'artistas es considerat coma notòri tre qu'a produch doas òbras d'art. Per un pintre, aquò significa d'aver realizat dos vernissatges, per un grop dos disques a compte d'editor, etc.
Mas los artistas qu'an accedit a la notorietat sens complir aquesta condicion pòdon plan segur far l'objècte d'un article. Especialament per lor influéncia e lor succès suls plans artistic, istoric o comercial. Çaquelà, la notorietat pòt èsser en partida demostrabla (perque s’agís pas d'una veritat absoluda) per una brèva recèrca dins un motor coma Google.
[Modificar] Musicians e ensembles
- correspondre a un dels critèris enonciats dins la pagina Wikipèdia:Notorietat (musica).
[Modificar] Pintres e autras arts visualas :
- èsser representat dins las colleccions d'un musèu reconegut
- aver realizat almens doas exposicions personalas, criticadas o presentadas per de medias nacionals (television, ràdio, premsa, …).
[Modificar] Escrivans e autres autors de l'escrich
- aver publicat almens dos libres a compte d'editor,
- èsser citat dins un obratge de referéncia reconegut (enciclopèdia, diccionari, etc.).
- aver recebut un prèmi reconegut (Pulitzer, Nobel, etc.)
[Modificar] artista del teatre
- Meteire en scèna d'una peça jogada dins un teatre nacional
- Actor principal dins una peça notòria
- Actor segondari dins 3 peças notòrias
[Modificar] artista del cinèma
- Realizator d'un filme notòri
- Actor principal dins un filme notòri
- Actor segondari dins 3 filmes notòris
[Modificar] artista de la television
- Actor principal d'una seria o telefilme important (cadena ertziana, prime time sul cable o editat en dvd) (1 sason completa, 5 telefilmes)
- Animator principal d'una emission TV notòria
- Venceire d'un jòc televisat fòrt notòri (prime, presse people, longa durada)
[Modificar] Scientifics, universitaris
- aver recebut un prèmi scientific reconegut nacionalament o internacionalament (per exemple : Prèmi Nobel, medalha del CNRS...),
- èsser considerat coma un autor de referéncia dins lo domeni considerat,
- èsser considerat coma l'autor d'una teoria largament difusada,
- èsser citat dins un obratge de referéncia reconegut (enciclopèdia, diccionari, etc.),
- èsser una personalitat regularament expausada dins de medias d'audiéncia nacionala o internacionala.
NB : lo trabalh d'un universitari passant per la publicacion d'articles, lo simple fach d'aver publicat d’articles dins de revistas o autras publicacions amb un comitat de lectura es pas un critèri sufisent.
[Modificar] Esportius
- aver ganhat una competicion o un torneg internacional important ont son arribats a las primièras plaças ;
- aver jogat dins una liga professionala o una competicion d'estatut equivalent dins un espòrt professional individual o encara al pus naut nivèl d'un espòrt amator, comprés las competicions universitàrias als Estats Units ; los articles suls membres d'equipas primièras qu'encara an pas jogat un match complet amb l'equipa pòdon tanben èsser apropriats tre que son ja dintrats sul terren al cors d'un match d'una competicion europèa de campionat o de copa ;
- aver atirat per d'autras rasons que lors performàncias esportivas l'atencion dels mediàs (per ex. l'escandal del dopatge) ;
- èsser estats seleccionats en equipa nacionala ;
- èsser estats los campions d'una federacion esportiva nacionala oficiala.
[Modificar] Personalitats politicas
- membre d'un govèrnament nacional, o dins un estat federal membre del govèrnament d'una entitat federada ;
- apartenéncia a un parlament nacional, o a un còrs legislatiu al nivèl regional dins los estats federals (cantons soïsses, províncias canadianas, entitats federalas belgas, etc...) e mai dins las regions a autonomia marcada d'estats non federals (Escòcia, Catalonha, etc...) ;
- participacion a l'aparelh dirigent d'un partit important, o direccion d'un partit non marginal ;
- animacion d'un grop de reflexion politica notòri ("thinktank") :
- notorietat nacionala, regionala, provinciala o cantonala. Una notorietat purament locala es insufisenta per l'inclusion -los cònsols de vilas importantas justificant de lor inclusion per lor notorietat a un nivèl almens regional.
Aquestes critèris son evidentament d'interpretar amb soplesa, coma de suggestions consensualas e non de règlas rigidas. Se velharà a argumentar escrupulosament las excepcions eventualas.
[Modificar] Entrepresas, societats e produches
Las entrepresas, societats e lors produches pòdon far l'objècte d'articles sus wikipèdia. Veire l'article especializat Wikipèdia:Notorietat (entrepresas, societats e produches).
[Modificar] Òbras de ficcion e lors compausantas
Las òbras de ficcion (libres, filmes, jòcs vidèo, etc.) pòdon far l'objècte d'articles de wikipèdia, tot coma lors compausantas (personatges, concèptes, creaturas, luòcs).
Veire l'article especializat Wikipèdia: Notorietat (ficcion).
[Modificar] Sites Web, webmèstres, foroms e autres membres d'una comunitat sus Internet
Per que Wikipèdia venga pas un espaci d'autopromocion per de sites Internet, es recomandat de crear un article pas que per los que complisson una de las condicions seguentas :
- que son coneguts d'un maximom de personas.
- que pertòcan mai o mens dirèctament Wikipèdia o sos projèctes (Wikifont, Wikiespècias, etc.) Lo critèri dels « sites foncionant amb lo logicial de wiki Wikimedia » es pas sufisent per èsser admissible.
Los articles suls webmèstres o administrators, los membres de foroms, los membres de gropes de discussion e los qu’apartenon a d'autras comunitats son en general pas admeses a mens que la persona aja contribuit a un projècte realament significatiu o siá notòriament coneguda dins d'autres domenis segon los critèris definits sus aquesta pagina. Un article sul moderator « titi » d'un forom consacrat al jòc « XYZW12 » serà fòrça probablament suprimit.
Veire l'article especializat : Wikipèdia:Notorietat (web)
[Modificar] Logicial
Se lo logicial es estat citat mantun còp dins la premsa o es una referéncia dins son domeni alara la notorietat es a priori aquerida. Aver un projècte sus SourceForge per exemple es pas sufisent. Los « mods » de jòcs son admissibles se son largament difusats e coneguts (per exemple Counter-Strike). Los « mods » que sa notorietat es limitada devon de preferéncia èsser citats dins un article pus general.
[Modificar] Articles qu'an per títol un neologisme o un concèpte novèl
Es recomandat qu'un neologisme o un concèpte novèl pòsca pas constituir un títol d'article solament se complís almens un dels dos critèris çai-jos :
- far l'objècte d'una dintrada dins un obratge de referéncia reconegut (enciclopèdia, diccionari, etc.),
- far l'objècte d'un article dins almens doas revistas reconegudas.
Evidentament, demòra de definir çò qu'es una revista reconeguda. D'aitant mai que dins de sectors extrèmament ponchuts, la terminologia evoluís fòrça rapidament, e es pas fòrçament accessibla en linha per verificacion per un neofita.
Aquestes critèris resultan de la necessitat de dispausar de publicacions que tractan del concèpte en question. D'allusions dins la premsa o un usatge anecdotic bastan pas per redigir un article que poiriá dins aqueste cas pas despassar la definicion triviala sens tombar dins l'analisi personala. Veire l'article especializat Wikipèdia:Evitatz los neologismes e Wikipèdia:Trabalhs inedits.
[Modificar] Articles suls nombres
Es pas necessari d'aver un article sus cada nombre entièr dins Wikipèdia. Aquò es tanben valable per las annadas (inutil de far un article sus l'an -391 058 239)
Pels critèris aplicables, veire l'article especializat Wikipèdia: Notorietat (nombre).
[Modificar] Establiment d'ensenhament
Aquesta partida concernís las universitats, las grandas escòlas, e mai los licèus en França o collègis/gimnasis en Soïssa.
Aquestes articles son admissibles dins la mesura que contenon una informacion enciclopedica que las diferéncia d'autres establiments similars. Per exemple, l'informacion "Lo licèu Geneviève de Fontenay a un CDI" es pas pertinenta per un tal article car es lo cas de totes los licèus. Per limitar l'abondància d'articles pichons amb d'informacions limitadas e redondantas, es preferible de recampar las informacions jos la forma de listas o de tablèus dins un article principal (per exemple, al nivèl del departament o canton).
[Modificar] Recèpta de cosina
De recèptas o elements de recèptas son admissiblas dins la mesura que contenon una informacion enciclopedica. Atal, se dins lo quadre d'un article se descriu un plat tipic d'un país, d'elements de la recèpta s'inserisson dins la presentacion culturala del plat. La recèpta pòt servir alara, coma los imatges, per illustrar un prepaus, çò que significa en principi que l'article deu pas comprendre la totalitat de la recèpta, mas los elements d'aquesta indispensables a l'objècte illustratiu e enciclopedic. Per exemple, se descriurà los ingredients, mas pas la totalitat de la preparacion coma la temperatura del forn. Los detalhs tecnics de la preparacion qu'an pas d'interès enciclopedic devon èsser transferits dins lo libre de Cosina. Dins Wikipèdia, se farà doncas referéncia al libre de Cosina ont la totalitat de la recèpta serà donada. Una referéncia vèrs una recèpta del Libre de cosina s'escriu: [[b:nom article]] coma b:Cosina:Moleta Angevina per exemple.
[Modificar] Qué far fàcia a un article que respond pas als critèris
Un article que respond pas a un d’aquestes critèris es pas forçadament de suprimir.
Dins totes los cases, la cortesiá serà de mesa, e mai per defaut, la presompcion segon laquala l'editor cèrca de far de son melhor. Veire tanben Esperit de non-violéncia.
| | Benvenguda | Contribuir | Discutir | Paginas de seguir | Règlas | Wikipedians | Pages meta |
| Copyright | Neutralitat de punt de vista | Règlas de saber-viure | Utilizacion dels imatges | Convencions suls títols | Convencions d’estil | Convencions tipograficas | Paletas de navigacion Citatz las fonts | Critèris d'admissibilitat dels articles | Començar las modificacions |
