Sola (província)
Un article de Wikipèdia, l'enciclopèdia liura.
Sola (en basc estandard, unificat o "batua": Zuberoa; en basc soletin: Xiberoa; en francés: Soule) ei ua província tradicionala deth País Basc, plaçada ar èst deth País Basc francés. Eth territòri conforme ua comunautat de comunes o municipis francesi deth departament des Pirenèus Atlantics. Eth cap-lòc provinciau ei Mauleon-Licharre (en basc: Maule-Lextarre), resultat dera fusion des municipis dera ciutat de Mauleon e era localitat de Licharre en 1841.
En Sola existís ua tradicion de teatre musicau folkloric, era nomenada pastorala: es abitants des pòbles dediquen tot er an a premanir e assajar dances e òbres de teatre. Tradicionaument, eth tèma dera òbra ère sustot religiós, mès hè pòc se vien en tot representar tanben episòdis dera istòria des bascs.
Actuaument solet eth francés ei lengua oficiau, encara que tanben se parle fòrça gascon e eth basc en sòn dialècte suletin (aguest darrèr ac parle un 64% dera poblacion dera província). Era identitat culturala basca ei anautita: eth 71% des suletins se declaren bascs, era taxa mès nauta de tot eth País basc francés. Sola a estat ua província bilingüa pendent sègles per causa dera proximitat deth Bearn, era lengua deth quau, eth bearnés, a influït plan ath suletin.
Ena Edat Mieja e enquiath sègle XI formèc probablament partís deth Ducat de Vasconia. Ath miei deth sègle XI passèc a èster un vescomtat en tot depéner d'Aquitània. Er an 1152, ath contractar matrimòni Leonor d'Aquitània damb Enrique II d'Anglatèrra, passe a depéner des anglesi, mès non accèpte as naui senhors e pendent un sègle sofrís revòltes e repressions. En 1261 s'establís era patz damb es ocupants anglesi. Er an 1449 s'unís ath Bearn e posteriorament en França.
|
|
 |
|---|---|
| País basc espanhòl o Hegoalde : Guipuscoa | Alaba | Biscaia | Navarra País basc francés o Iparralde : Labord | Bassa Navarra | Sola |
|
