Гæды

Сæрибар энциклопеди Википедийы æрмæг.

Гæдыйы цæст тæмæн рухсы

Гæды (латинаг классификацимæ гæсгæ Felis silvestris catus) у хæдзарон цæрæгой. Фыццаг чи сæрмахуыр кодта гæдыйы, уый уыдысты рагон Мысыры цæрджытæ; Мысыры гæдытæ хордонтæ æхсынæгтæй хъахъхъæдтой.

Гæдытæ тынг хорз уынынц лæмæгъ рухсы.

Сæргæндтæ

1 Гæды культурæйы

[баив æй] Гæды культурæйы

[баив æй] Рагон Мысыр

Мысирæгтæн гæды цыппар мин азы размæ райдыдта лæггад кæнын. Уый канд мыстахсæг нæ уыди, фæлæ хъахъхъæдта кувæндæтты хæзнатæ дæр. Мысираг гæды сыгъдæг цæрæгойыл нымад уыди. Суанг ма сылгоймаг-хуыцау Бакотæн дæр уыд гæдыйы сæр.

[баив æй] Гæды æмæ чырыстон дин

XIV æнусы инквизици тынг бафхæрдта æназым гæдыты. Инквизитортæ уыдон дæлимонты лæггадгæнджытæ хуыдтой. Ауыгътой сæ ауындзæнтыл, сыгътой сæ арты.

Уæрæсейы чырыстон дин гæдытæм фæлмæндæр цæстæй ракаст. Уыди сын моладзандонты цæрыны бар. Раст зæгъын хъæуы фæстæдæр гæдыты сраст кодтой католиктæ дæр. Суанг кардинал Ришельёйæн йæ хæдзары уыди цыппæрдæс фæлмæнхъуын гæдыйы.

[баив æй] Гæды скæсæйнаг бæстæты

Кæд китайаг гороскопы гæды нæй, уый у япойнаг æмæ вьетнамаг гороскопы уæнг (китайаг Кроличы азы бæсты Япон æмæ Вьетнамы цæуы Гæдыйы аз). Китайаг таурæгъмæ гæсгæ гороскоп уыры аразта, æмæ дзы гæды бауадзын йæ нæ бафæндыд.

[баив æй] Гæды пысылмон дины

Урс гæды у иунæг цæрæгой, мæзджытмæ бацæуыны бар кæмæн и, ахæм. Пысылмон таурæгътæм гæсгæ, пехуымпар Мæхæмат гæдыты уарзта: иу хатт кувыны рæстæг йæ халаты дысыл бафынæй иу гæды; пехуымпар кувын куы фæци, уæд, цæмæй гæды ма бахъыгдара, йæ дыс алыг кодта.