Carlos P. Garcia

From Wikipedia

Para keng balen a mipalagiu kang pamuntuk, lauen ya'y Pamuntuk Carlos P. Garcia, Bohol.

Y Carlos Polestico Garcia (Nobiembri 4, 1896–Juniu 14, 1971) iya ing pang 8 pamuntuk ning Filipinas (1957-1961). Ing kayang pamanungkulan kabalitan ya king "Filipinu pamu" ("Filipino First") pamamalakad, nung nu mumuna ing kapakana da reng Filipinu babo da reng dayu at deng makalukluk.

Contents 1 Bye Kayanakan at Ayari 2 Panga-Pamuntuk 3 Kaibat ning Panga-Pamuntuk 4 Suglung Palwal

[edit] Bye Kayanakan at Ayari

Y Garcia mibait ya king Talibon, Bohol kang Policronio Garcia at Ambrosia Polistico (nung nu ilang adua katutubu la Bangued, Abra). Dinagul yang kayabe ing politika, nung nu ing Igpa na menungkulan yang makatapat bilang pamuntuk balen.

Y Garcia ikua ne ing kayang mababang pamagaral king kayang balen beitan a Talibon, kaibat kinua ne ing kayang kaduang pamagaral king Cebu Provincial High School. Kinanua yang sinaguling panga-abugasya king Silliman University in Dumaguete City. Kaibat megaral ya king Philippine Law School at penakitan ne ing kayang kursu inyang 1923. Metung ya kareng matas a apulu kareng kinauang examin.

Imbes na paganan ne ingkayang panga-abugasya, tinuru yang aduang banua king Bohol Provincial High School. Sinikat ya karing kayang sanese king Bohol, nung nu ne ikua ing palayong "Suging Kawatasan ning Visayas" ("Prince of Visayan Poets") at ing "Bard ning Bohol".

Pegumpisan ne ing kayang panga-poltiku inyang 1925, nung na ikua ing kayang panyambut bilang kongresista nung nu ya mengatawan ning pangatlung distritu ning Bohol. Meyalal yang pasibayu dapot yamu anggang 1931 nung nu ya tinagal at minyabut king panga-gobernador ning Bohol. Migsilbi yang gubernador makataduang beses. Meging yang kayanib king Kongresu inyang 1946, at meyalal yang atlung besis a tukituki king senadua manibat 1941 anggang 1953.

Y Garcia meging kayagape neng Ramon Magsaysay king pamanagal na king alalan pamuntuk inyang 1953. Tilduan neng Pamuntuk Ramon Magsaysay bilang Kalijim ning Pangkilual, king apat abanua kabang kadua yang pamuntuk.

[edit] Panga-Pamuntuk

Linukluk yang pamuntuk kaibat ning pangamate ng Magsaysay king panganabu ning eruplanu inyang 1957.

Inyang yang manungkulan, linakad ne ing "Bohlen Serrano Agreement" nung nu ne kinuyad ing pamanupa da reng Americanung Kuta (Bases) neng 25 banua manibat 99 a banua at malyari yang pabayu kaibat ning balang kalimang banua. Pepaganan niya naman ing "Filipinu Pamu Patakaran" (Filipino First Policy), nung nu ya mebalu. Ing patakaran a ini pabor ya kareng Filipinung mangalakal babo da reng dayung mamuhunan. Iya ing mika pasari keng pamanaliua ning mangalating kalakalan nung nu deng isik mangalakal keng bangsang Filipinas.

Inyang ketang katataulian ning kayang pamanungkulan, tinagal yang pasibayu bilang pamuntuk dapot simbut neng Diosdado Macapagal inyang Nobiembri 1961.

[edit] Kaibat ning Panga-Pamuntuk

Kaibat ning kayang pangasambut king alalan, y Garcia megretiru ya king pribadung bie, bilang memalen ning Bohol.

Inyang Juniu 1, 1971, Y Garcia meyalal yang delegadu ning 1971 Constitutional Convention and mitulduan yang pamuntuk da. Makanyanman, mete ya keng ataki keng pusu inyang Juniu 14, 1971 king idad a pitung pulu't lima.

[edit] Suglung Palwal

• The Philippine Presidency Project
• Philippines-Archipelago (Carlos P. Garcia)

Elilan ne i: Fernando Lopez	Vice President of the Philippines 1953–1957	Elilan neng: Diosdado Macapagal
Elilan ne i: Ramon Magsaysay	President of the Philippines 1957–1961	Elilan neng: Diosdado Macapagal

Ding Presidenti ning Kapuluan Filipinas
Aguinaldo | Quezon | Osmeña | Laurel | Roxas | Quirino | Magsaysay     Garcia | Macapagal | Marcos | Aquino | Ramos | Estrada | Arroyo