Emilio Aguinaldo

From Wikipedia

Y Emilio Aguinaldo y Famy (Marsu 22, 1869—Pebreru 6, 1964) metung yang Filipinu general, politicu, at pinunung panga-katimawan. Y Aguinaldo yang meging susi ning pamag-aklas ning Pilipinas laban king España at king Guerang Filipinu-American salang keng pamaniakup ning America.

King Filipinas, y Aguinaldo kilalanan de bilang mumunang pamuntuk, agiang ing kayang panga-pamuntuk ere kilalanan deng aliuang bangsa.

Contents 1 Bye Kayanakan at Ayari 2 Aklasang pang-Filipinas 2.1 Biak a Bato 3 Labanan Kastila-Americanu 4 Labanan Filipinu-Americanu 5 Panga-Pamuntuk ning Republika ning Filipinas 5.1 Kabineti ng Mabini 5.2 Kabineting Paternu 6 Panaun Americanu 7 Panaun kaibat da reng Ameicanu 8 Kasapning Artikulus 9 Suglung Palwal

[edit] Bye Kayanakan at Ayari

Pang pitung anak de reng walung anak nang Carlos Aguinaldo at Trinidad Famy, mibait ya kareng mestisung Isik a pamilya king Cavite El Viejo (ngeni Kawit), probinsiyaCavite. Ing tatang na pamuntuk yang balen at kayanib ya ka reng mestisung Isik at atinan la at masikanan.

Inyang malati ya, y Aguinaldo tinanggap yang aral ibat ketang metung nang apung babai at kaibat megaral ya keng mababang pipagaralan keng balen. Inyang 1880, megaral ya ke kayang pangaduang balitang ning pamagaral king Colegio de San Juan de Letran, nung nu ya tinuknang king kayang pamagaral inyang pangatlung banua, at minuli ya karela at sinopan ne y Ima nang mebalu para sikaswan ing karelang marangle.

Inyang idad yang 17, y Emilio meyalal yang cabeza de barangay ning Binakayan, ing peka maluid a barrio ning Cavite El Viejo. Linukluk ya keng position a ini kilub ning walung banua pagsilbyan no reng kayang kabalen. Mengalakal ya naman keng pamaglipat gamit kareng ali-aliaung kapuluan, at miras ya anggang king mauli (amian) kalupa na ning Kapuluan ning Sulu.

Inyang 1893, ing Batas Maura linual ya para asalesen dong pasibayu deng gubiernung pambalen para maging lang epektibu at makasarili, inalilan de ing pamuntuk balen a gobernadorcillo keng capitan municipal manibat 1895. Inyang January 1, 1895, y Aguinaldo meyalal yang pamuntuk balen, meging yang mumunang diling tau a meyaus a capitan municipal ning Cavite El Viejo.

[edit] Aklasang pang-Filipinas

Inyang 1895, y Aguinaldo mikiabe ya ka reng Katipunan, a makasalikut a aniban nung nu ing manimunu kanita y Andrés Bonifacio a ing pake ra ing apalakuan la reng Kastila at ing panga-timawa ning Filipinas. Mikiabe ya bilang tinyenti lalam ng Hen. Baldomero Aguinaldo at mitas yang ranku a heneral kilub namu ning ditak a bulan. Ing panga-anib na ka reng Katipunan, sinopan ne ing Filipinas siniklab ing aklasan laban ka reng Kastila inyang 1896. Dakal ya penyambut ka reng balen king Lalawigan ning Cavite, pansamantala mu at apalakuan do keng lugal deng Kastila. Inyang y Bonifacio linual ya keng pangasalikut na inyang March 1897 at sibukan ng pakit ing kayang panga-pinunu, y Aguinaldu peparakap ne. Kaibat na nita pepapate ne inyang May 10, 1897.

[edit] Biak a Bato

Pauli na ning merakal at mesikan ing pamanyugud da ding Kastila, mepilatan lang minurung king bunduk reng kawal Katipunan. Inyang December 14, 1897, ding aduang milalaban mikasundu la kapamiltan ning Biak-na-Bato. Lalam ning kasunduan di Aguinaldu at 34 a aliwa pang pinunu mibayaran lang 400,000 pesos, y Aguinaldu at 34 aliwa pang pinunu ning aklasan kusa deng likuan ing bangsa papuntang Hong Kong. Y Aguinaldu tinggap ne ing aluk, dapot eya migdatun Hong Kong at ginamit no ring pera para panyaling sandata para kareng Filipinung magaklas. Deng makatuki ila ding pinunu ning Supreme Council a saksi at linawe king kasunduan ning Biak-na -Bato. Y Emilio Aguinaldo iyang pamuntuk at y Mariano Trias, ing kaduang pamuntuk. Ding aliwang pinunu ila pin di Antonio Montenegro para pandayung pisasabian, Isabelo Artacho para pangkilub, Baldomero Aguinaldo para keng Kayamanan , and Emiliano Riego para pang-Guerra.

Y Aguinaldo mibalik ya Filipinas May 1898. Pangauli na tambing na nang sindu ing kayang pamagaklas laban ka reng Kastila, ngeni tatanggap sikan lub kareng Amricanu.

[edit] Labanan Kastila-Americanu

Inyang 1898, megumpisa ing Kastila-Americanung Guerra at y Aguinaldo inaus na la reng Americanung officiales at mamasa yang sopan de keng kayang pamagsikap para katimawan. Inyang mumuna samutsamut ing akakua ng signus, dapot sindu na pa mu ring ing pamagkampi na ka reng Americanu. Kambe na nini sinuku na la reng arakap nang 15,000 a kawal a Kastila at inabut na la kang Admiral Dewey. Nanupata, ing karelang pamiugne malabug at era ikit ing taimtim dand nasa ding Aremicanung dinan dong katimwan deng Filipinu. Ing marok pa nita megumpisa lang maniukup gabun deng Americanu. Y Aguinaldo pepasiag na ing Katimawan ning Filipinas inyang inyang June 12, 1898 [1]. Ing Philippine Constitutional Convention inalal neng bilang Pamuntuk inyang January 1, 1899.

[edit] Labanan Filipinu-Americanu

Inyang bengi ning Pebrero 4, 1899, itang Aericanung bante berilan ne ing Filipinu kabang lilipat ya keng tete ning San Juan. Ining mepalyaring iti ya ing umpisa ning Guerrang Filipinu-americanu, kaibat na nita sinaguli mika labanan kareng Americanu at kareng maka katimawan a Filipinu. Ding mangasikan dang sandata ding Americanu ilang mitabi king siudad kareng kawal Filipinu at ing gubiernung Malolos mengailangan yang magpalipat-lipat.

Y Aguinaldo menimunu yang lalaban ka reng Americanu inyang maniakup la at minurung ya king pangulung Luzon at deng Americanu atsu la't tutuki king kayang gisgas. Merakap ya king Palanan, Isabela inyang March 23, 1901. Ing mekarakap yapin y US General Frederick Funston, nung nu la a abaligo ri Aguinaldu inayang magpanggap la mong susuku ding Americanu kareng Filipinu.

Inyang dakpan ne y Aguinaldu, y Funston apagumasdan na na y Aguinaldu atin yang masanting a ugali at makatas ya pangatau. Tinggap ng Aguinaldu ing ere paten nung sumumpa ya king gubiernu ning America. Sinumpa yang maging tapat king America inyang April 1, 1901, nung nu mitda ing Mumunang Republika at mebisa ya ing America ing manibala king Filipinas. Ding aliwa sindu da ing laban, dapot ing pamagsuku ng Aguinaldu ya ing mismung megwakas keng Labanan Filipinu-Americanu.

[edit] Panga-Pamuntuk ning Republika ning Filipinas

Kebalwan na y Aguinaldu mituldu yang aduang primeru ministru inyang yang manungkulan. Ila ri Apolinario Mabini at Pedro Paterno.

[edit] Kabineti ng Mabini

• Apolinario Mabini - Pankilual a Sabla,
• Mariano Trias - Pamanyalapi
• Teodoro Sandico - Pangkilub
• Baldomero Aguinaldo - Panglaban
• Gracio Gonzaga - Kayapan Kabilyan

[edit] Kabineting Paternu

• Leon Ma. Guerrero - Kabiayayan kengGabun at Ayup, Kalakal at Industria (dati kayabe keng Kayapan Kabilyan)
• Hugo Ilagan - Pamanyalapi
• Felipe Buencamino - Pangkilual a Sabla
• Severino de las Alas - Pangkilub
• Aguedo Velarde - Pamanuru (dati kayabe keng Kayapan Kabilyan)
• Maximo Paterno - GAwang pang-Publiku (dati kayabe keng Kayapan Kabilyan)
• Mariano Trias - Panglaban

[edit] Panaun Americanu

Inyang manungkulan la reng Americanu, y Aguinaldu sindu na ing nasa ng mika timawang Filipinas. Sinopan at atiu keng gulut da reng aniban da reng manyawas agad a katimawan at sinopan no retang linaban kanita. Tetag ne ing Asociacion de los Veteranos de la Revolucion (Association of Veterans of the Revolution), nung nu la menikuang pension at inayus na la reng pamanyali dang gabun at beyaran dang baldugan.

Inyang deng manungkulan a Americanu mebisa lang miladlad ya bandera ning Filipinas inyang 1919, y Aguinaldu elilan at semasnan ne ing kayang bale para ilalad ne ing bandera, ing aklasan at ing pangatimawa ning bangsa. Ing bale na makatikdo ya pa at kilala yang bilang Aguinaldo Shrine.

Y Aguinaldo retiru ya keng mata da reng tau king maluat a panaun. Inyang 1935 inyang mitatag ya ing Commonwealth ning Filipinas para king pamagsadia king katimawan ning Filipinas, tinagal yang pamuntuk dapot mesambut yang dakal kang Manuel L. Quezon a metisung Kastila a biasang magsalita at sane keng balitaktakan.

Y Aguinaldo pasibayu megretiru ya anggang inyang datang la reng maniakup a Japon inyang Meto-Yatung Lababan II. Ginamit de ring Japon para panlaban ka reng Americanu, mepilatan yang mamagsalita, magpirma ka reng artikulus, at memagsalita ka reng radyu, kayabe na ing kayang pamagsalita keng radiu kang  Gen. Douglas MacArthur keng Corregidor na sumuku ne para miligtas la reng kayanakan a Filipinu.

Kaibat deng ikua pasibayu deng Ameicanu ing Filipinas, y Aguinaldu dikpan de kambe da reng aliwa pa, uling makisabwatan la kanu ka reng Japon. Mekulung ya king kulungan Bilibid anggang inyang mipatawaran ya keng pamuntuk. King kayang pamag litis mebalu na agawa na ita uling mengapilitan ya mu. Pematakutan deng paten do reng kayang buung pamilya.

Y Aguinaldo ikit na ing paninasan ng mitimawa ya ing Filipinas. Ing bangsa menikua yang katimawan inyang July 4, 1946, inyang ing gubiernung Americanu kilalanan ne ing lubus ng katimawan. Inyang pigmasusian de ing aldo katimawan king Luneta, ing 77 apat a banua genral binuat ne ing bandera a itinas na king Kawit June 12, 1898, ing aldo na paniwalan ng tutung aldo Katimawan.

[edit] Panaun kaibat da reng Ameicanu

Inyang 1950, para mibalik ing kayang dangal, ing Pamuntuk Elpidio Quirino tilduan ne y Aguinaldo bilang kayanib ning Council of State, nung nu ya migsilbi keng buung panaun. kaibat na nita migpainawa ne at bilus na ngan ing kayang oras ka reng kapakanan da reng sundalus at king karelang kayapang kabilyan, ing pamaglugud king bangsa at demokrasya king Filipinas, at ing pamiugne na ning Filipinas at America.

Inyang 1962, inyang ing America ene tinggap ing anyaran ning Filipinas na bayaran na ning America ing mengasira pauli na ning Meto-Yatung Labanan II, ing pamuntuk Diosdado Macapagal elilan ne ing Aldo Katimawan June 12 ibat July 4. Yapin ing pekatagumpe ng Aguinaldu ini, inya mipalundag ya king kayang pangarate para tumagun king kapagmasusian na ning Katimawan kaibat ning 64 banua inyang pisiag ne iti. Y Aguinaldo mete ya inyang February 6, 1964 keng coronary thrombosis king Veterans Memorial Hospital king Quezon City. Kitkut de king Aguinaldo Shrine king Kawit, Cavite.

[edit] Kasapning Artikulus

• Filipinas
• History of the Philippines
• Philippine Revolution
• Katipunan
• Spanish-American War
• Philippine-American War
• President of the Philippines
• Aguinaldo Shrine

[edit] Suglung Palwal

• The Philippine Presidency Project
• Filipinos in History - Emilio Aguinaldo
• Works by Emilio Aguinaldo at Project Gutenberg

Elilan ne i: (none)

Presidenti ning Filipinas 1899–1901

Elilan neng: Manuel L. Quezon

Ding Presidenti ning Kapuluan Filipinas
Aguinaldo | Quezon | Osmeña | Laurel | Roxas | Quirino | Magsaysay     Garcia | Macapagal | Marcos | Aquino | Ramos | Estrada | Arroyo