Gloria Macapagal-Arroyo

From Wikipedia

Gloria Macapagal-Arroyo


Pamituki-tuki (Pang-pilan)	Ka-labing apat a Pamuntuk ning Filipinas (Kapat a Pamuntuk ning kalimang Republika)
Panaun ning Pamanibala	Eneru 20, 2001 – salukuyan
Kadwang Pamuntuk	Teofisto Guingona (2001-2004) Noli de Castro (2004-salukuyan)
Elilan	Joseph Estrada
Katuki	ala
Mibait	Abril 5, 1947 San Juan, Metro Manila, Filipinas
Mete

Y Arroyo mi-angat yang panga-Pamuntuk (presidency) inyang 2001 pauli na ning EDSA II Revolution a mituag kang Joseph Estrada keng luklukan pauli ning parsala da kaya keng e mangayap a gawa antimong laganap a lagayan. Y Arroyo Philippine general election, 2004 me-alal yang pasibayu inyang 2004, simbut ne ing artista Fernando Poe, Jr.

Inyang 2005, Y Arroyo mepili yang pang-apat a pekamasikan a babai keti yatu a linimbag ning Forbes magazine.

1 Bye na inyang kayanakan
2 Pamaglub king Politika
3 Kaduang Pamuntuk
4 Suglung Palwal

[edit] Bye na inyang kayanakan

Y Arroyo mibait yang Gloria Macaraeg Macapagal karing pengaring Diosdado Macapagal and Evangelina Macaraeg. 14 ya pang banua inyang ing tatang na meging yang pamuntuk ning bansang Filipinas. Megaral ya Assumption Convent para keng mababang pipagaralan, at meyari yang valedictorian inyang 1964. Ikua ne ing Bachelor of Arts degree na king Economics king Assumption College, nung nu ya mig-graduate magna cum laude inyang 1968.

Megaral yang aduang banua i Arroyo king Georgetown University School of Foreign Service king Washington, D.C. nung nu ne akaklasi y US President Bill Clinton. Pangabalik na Filipinas, sindu na ing kayang pamagaral, at kinanwa yang Master's Degree in Economics king Ateneo de Manila University at Doctorate Degree in Economics king University of the Philippines.

Y Arroyo ay-asawa ne y Jose Miguel Arroyo inyang 1968. Atlu la reng anak da, ila di, Juan Miguel (mibait 1969), Evangelina Lourdes (mibait 1971), at Diosdado Ignacio Jose Maria (mibait 1974).

Manibat 1977 anggang 1987, tinuru ya i Arroyo kareng miyayaliwang pipagaralan at tinalan miyayaliwang posisyun, lalu na keng sikat a University of the Philippines ampong king Ateneo De Manila University. Ya murin ing meging pamuntuk king Economics Department ning Assumption College.

Inyang 1987 inagkat neng President Corazon Aquino bang maki-anib keng gobyernu bilang Assistant Secretary of the Department of Trade and Industry. Meging yang Undersecretary kaibat ning aduang banua. Kayagnan na nita, meging yang Executive Director of the Garments and Textile Export Board, y Arroyo ikit na ing mabilis a pamagluid ning garment industry inyang 1980s.

[edit] Pamaglub king Politika

Agiang ing igpa na sinuyu ya bilang pamuntuk ning Pilipinas, y Arroyo eya linub king politika anggang inyang 1992, aduang pulu't pitong banua kaybat linual ya'y tatang na keng opisina. Meyalal ya king Senadu Philippine Senate inyang 1992 at meyalal yang pasibayu inyang 1995, menikua yang pekamarakal a botu keng senatorial elections 'alus mga 16 million a botu.

Bilang legislator, y Arroyo misampa yang lagpas 400 bills at sinulat o mikapasari kareng 55 a batas keng a atin alaga keng kabiayan inyang senador ya.

Inyang 1998, pigunam na sinaguli na tagal ya bilang pamuntuk (presidente) oneng inadlukan neng President Fidel V. Ramos na makiabe kareng pakalukluk a Partidu Lakas LAKAS Party bilang maging kaduang pamuntuk (vice-president), House Speaker Jose De Venecia. De Venecia at y Arroyo mengampanya la mabilug a kapulungan a mamantabe ya y Ramos ampo ing masikan ng makineria ning LAKAS. Menyabut ya y Arroyo bilang kaduang pamuntuk (vice-president) migit kumulang mga 13 million botu, maigit dobli keng botu ning pekamalapit ng kalaban, Senator Edgardo Angara. Oneng y De Venecia mesambut ya kang vice president, Joseph Estrada a sikat at kasalungsungan a makalukluk.

[edit] Kaduang Pamuntuk

Ing EDSA II Revolution ing menañgat kang Gloria Macapagal-Arroyo keng upaya anti ing makalarawan keng 200-peso bill.

Chief Justice Hilario Davide Jr manungkulan keng pamaniumpa ng Arroyo king kapagmasusian inyang Second People Power Revolution (Kaduang Upayang Madlang Aklasan).

Migumpisa ya y Arroyo bilang Kaduang Pamuntuk (Vice President) inyang June 30, 1998. King maliguang panaun, y Estrada, tilduan ne keng Kabinete bilang Secretary of the Department of Social Welfare and Development, nung nu ing mumunang obligacion na ing lawen na ing programa na ning gobiernu para kareng pakakalulu.

Tiniwalag ya keng kabinete inyang Oktubre 2000, kewani ne ing sarili na kang President Estrada, a parasalanan da keng lagayan itang dati ng talasuyu.Y Arroyo mikiabe ya keng civil society at dakal a Filipino king pamanyaus da king presidente a kuldas ne keng luklukan.

Inyang January 20, 2001, mapilan a aldo kaibat na ning kagulu'an pampulitika ampong protesta king dalan, Ing Supreme Court sinabi na na ing luklukan Pamuntuk vacanti ya. Mumuna pa nita ing military at ing national police minatras no supporta kang Estrada at binie ra ing supporta kang Arroyo. Sinumpa neng Supreme Court Chief Justice Hilario Davide Jr y Arroyo inyang aldong ita bilang ika labing apat (14th) a pamuntuk ning Pilipinas.

Ing pangatalsik ng Estrada mebalu yang bilang EDSA II, kaibat ning EDSA Revolution ning 1986 a migpababa king pamanungkulan ng Ferdinand Marcos. Ing EDSA ila reng mumuna ng titik para keng dalan a Epifanio de los Santos Avenue, metung a malapad a dalan king keragulan a Menila a nung nu milyari ing maragul a demonstration laban kang Estrada.

Y Estrada kaibat atin yang duda keng declaration na ning Supreme Court inyang sibuknan neng kuanan pasibayu ing luklukan Pamuntuk. Oneng ing Supreme Court pepasias na ing kayang declaration na y Arroyo ya ing karapatdapat. Agiang y Estrada at ding kayang alipores ere kilalanan y Arroyo bilang karapatdapat a pamuntuk, ikua na pa murin ing eganaganang upaya at biyaya bilang pamuntuk ning bangsa. Ding dayu at ding kayang gobiernu, kilalanan de mu rin bilang Pamuntuk ning Pilipinas.

[edit] Suglung Palwal

Elilan ne i: Joseph Estrada	Bise Presidenti ning Filipinas 1998–2001	Elilan neng: Teofisto Guingona
Elilan ne i: Joseph Estrada	Presidenti ning Filipinas 2001–salukuyan	Elilan neng: salukuyan

Ding Presidenti ning Kapuluan Filipinas
Aguinaldo \| Quezon \| Osmeña \| Laurel \| Roxas \| Quirino \| Magsaysay Garcia \| Macapagal \| Marcos \| Aquino \| Ramos \| Estrada \| Arroyo