Mont-Saint-Michel

Da Wikipedia.

Test an lenga piemontèisa

Mont-St-Michel a l'é n'ìsola ch'as treuva a 2 km da la còsta dla Brëtagna, arnomà për soa abassìa.

[modìfica] Stòria

Conforma a la legenda, ant ël 708 Aubert vësco d'Avranches, an Normandìa, a s-ciàira an seugn l'arcàngel Michel ch'a-j comanda ëd fabriché na capela ant sl'ìsola, che al temp as ciamava mont Tomba. Ant ël 966 dij monio beneditin as trasferisso ant sël mont Tomba e a-i costruisso n'abassìa con na cesa, ant ël pòst anté ch'a-i era la capela d'Aubert. Ant ël sécol ch'a fa XI pì 'd sinquanta monio a vivo ant l'abassìa an avend an tra 'd soe atività prinsipaj ëd copié ij manoscrit. A l'é për lòn che Mont-St-Michel a dventa arnomà tanme la Sità dij lìber. A l'é leu ëd pelerinage, as agrandiss l'abassìa e as costruiss, a la sima dël mont, na cesa romànica. Ant ël 1204 ij soldà ëd Luis-Flip a-j dan feu a na part ëd l'abassìa. An riparassion, ël re a fa fabriché, an sëddes agn, la Merveille: ëd neuve sale ant lë stil gòtich ansima a tre pian. Durant la goèra dij sent agn, j'anglèis a-j dan l'assedi a Mont-St-Michel, ma a riesso pa a pijelo, protegiù com a l'era dal mar, daj rampart da na goernison ëd pì 'd sent sivalié. Ant ës perìod sì a-i dròca ël còro dla cesa romànica e a lo arcostruisso ant lë stil gòtich. A son ij darié travaj gròss ant l'abassìa.
A ancaminé dal 1516 l'abassìa a perd d'amportansa e ël nùmer dij monio a diminuiss. Con la Rivolussion l'abassìa a l'é trasformà an përzon. A arseivrà ant j'agn a vnì pì 'd 14.000 përzoné. Ant ël 1863 Napoleon III a fa saré la përzon e l'abassìa a dventa monument ëstòrich. As ancamin-o ij travaj ëd restaorassion.
Da la fin dj'agn 1970 na vinten-a d'abitant e na dosen-a ëd religios a vivo ant sël mont. Minca ann l'abassìa a l'é visità da tre milion ëd torista e pelerin.

OMMI! Ma io non SO LEGGERE!!

E be'? :) È facile imparare a leggere una lingua che si parla già. Consulti

questa pagina e vedrà, in un attimo anche Lei avrà il suo badge da bogianen :)

St'utent-sì a l'é un bogianen

OMMI! pero si YO no
SE LEER!

¿Y que? :) Es fácil aprender a leer un idioma que ya se habla. Consulte usted esta pagina y verá, en un momento tendrá usted su Badge de Bogianen :)

'cò ti it peule travajé a fé pì granda e bela la wikipedia piemontèisa. Tùit a peulo gionté dj'anformassion, deurbe dij neuv argoment, deje na man aj volontari che a travajo ambelessì 'ndrinta. Rintra ant la Piòla e les coma avnì a fé toa part. I soma na gran famija e i l'oma da manca dël travaj ëd tùit.

BANCHÈT dj'UTISS

Lìber për chi a veul amprende

a lese e a scrive mej an piemontèis, e che an fan d'arferiment a tùit për la coression ortogràfica dij test ant sle pàgine marcà koiné piemontèisa.