Turitg
From Wikipedia
Turitg (tudestg: Zürich, frances/englais: Zurich, talian: Zurigo, tudestg svizzer: Züri, latin: Turicum) è ina citad da la Svizra, cun 400.000 abitants (cun aglomaraziun 1,1 milliuns) la pli gronda da la Svizra e ses center economic e cultural. La citad schai al flum Limmat ed a la sortida da lez or dal Lai da Turitg ed è la chapitala dal chantun Turitg. Ils abitants sa numnan Zürcher.
Quest maletg mussa tenor mai bain il sedepurtar dals abitants da Turitg. Malgrà naiv e stgiradetgna da la bunura adina diligents ed en prescha.
--Geografia--
Turitg schai sin 408 m.s.m. a la fin dal Lai da Turitg, tranter ils bots Üetliberg en il vest e Zürichberg en l'ost. La citad veglia schai da omasduas varts dal flum Limmat, che sorta qua dal Lai da Turitg, flessegia emprim encunter nord e fa lura ina lunga storta vers vest. Cuort suenter che la Limmat sorta dal lai da Turitg vegn ella gia unida cun il flum Sihl, che furma aschia in plaz en furma d'ina peninsla, sin la quala la staziun principala e la via da la staziun sa chattan. Da l'autra vart da la Limmat sa chatta il Nieder- ed il Oberdörfli cun la baselgia marcanta "Grossmünster" enamez.
--Vita da notg, partys, clubs
La vita da notg a Turitg è en cumperaziun cun la grondezia da la citad fitg varionta. Durant che pli baud era il Niederdörfli fitg admira per ir en sortida, è ozildi plitost il quartier da "Züri-West" il center da la sortida. Sin ils anteriurs lieus industrials sco l'areal Maag u l'areal Löwenbräu èn els davos onns il clubs vegnids sco bulieus or da la tiara. Aschia p.ex. la "Säulenhalle" en l'edifici da la Löwenbräu, il werk21 ni il code club. In dals pli gronds clubs da Turitg, l'X-tra è medemamain en la vischinanza. A la riva dal Lai da Turitg en direcziun da Cuira sa chatta il local alternativ da la "Rote Fabrik" che è in cunterpol envers tut ils clubs trendys da techno e house.
