Aprili 2006

1 di aprili, sabbatudìa

Roma - Accumincia la simana di la cultura: dû dui nzinu a lu novi di aprili si trasi aggratis nta tutti li musei d'Italia; gràpinu 52 posti ca nurmalmenti nun si ponnu visitari e sunnu previsti 1600 eventi culturali.

2 di aprili, duminicadìa

Roma - Ricurri oi lu primu annivirsariu di la morti di Giuvanni Paulu II; stasira a li 21,37 nta la chiazza San Petru (Vaticanu) si rècita lu santu rusariu.

6 di aprili, jovidìa

Cagliari - Lu ministru di lu nternu, Giuseppi Pisanu, annunzia ca l'apparati taliani, cu l'aiutu di li nazzioni amici, scupreru lu pruggettu di n'attintatu tirrurìsticu ca avìa comu obbiettivi la chiesa di San Petronio (Bulogna) e la metrupulitana di Milanu. Foru ncarzarati 2 pirsuni, 3 foru jittati fora di l'Italia, una è ricircata e n'àutra e tinuta sutta cuntrollu.

8 di aprili, sabatudìa

Roma - Si vota dumani, duminicadìa, di l'8,00 a li 22,00 e lunidìa, di li 7,00 a li 15,00, pi l'elezzioni pulìtichi taliani.

7 di aprili, venniridìa

Bagdad - Iraq. Ancora n'attintatu kamikaze nti na moschea sciita pi la priera dû venniridìa càusa 69 vìttimi.

9 di aprili, dumincadìa

Missina - Missina batti Trivisu, 3-1, ma ancura fa parti di l'ùrtimi tri dâ classificazzioni dâ Seria A, dui punti darreri di Càgliari.

10 di aprili, lunidìa

Roma - La culliganza centru-sinistra di Prodi s'addicchiara vincituri di l'elizzioni taliani dû 2006. L'allianza centru-dritta di Silviu Berlusconi ancura cerca di rivìdiri li risurtati.

Curliuni - Li forzi di l'òrdini arristaru a Binu Provenzanu; lu capumafia s'attruvava nta na casa di campagna ntê banni di Curliuni.

USA - Cchiù di miliuni miricani fannu parti di dimustrazzioni attraversu l'USA abbanniannu contra na riforma pruposta dâ liggi di l'immigrazzioni.

16 di aprili, dumincadìa

Palermu - Nzinu a lu 30 di aprili si ponnu mannari li propî puisìi 'n lingua siciliana pi participari a lu IX cuncursu nazziunali di puisía 'n lingua siciliana "Premiu Giuvanni Meli", organizzatu di l'Accademia Nazionale Ruggero II (cuntattu telefònicu: 3336562968).

17 di aprili, lunidìa

19 di aprili, mercuridìa

Roma - La Curti di Cassazzioni prucrama ufficiarmenti la vittoria dâ cualizzioni di centru-sinistra guidata di Rumanu Prodi.

24 di aprili, lunidìa

Cairu - Tri bummi scuppiaru stasira nta la citati eggizziana di Dahab; na vintina li morti e na cinquantina li firuti (3 taliani). Al Qaida avissi a èssiri l'organizzazzioni tirrurìstica ca fici st'attintatu.

26 di aprili, mercuridìa

Ìsuli Salamuni - Snyder Rini si ritira dâ càrrica di Primu Ministru, pi nijari la pussibbilitati di na vutazzioni di na mancanza di fiducia ntô parramentu.

29 di aprili, sabbatudìa