Di Wikipedia, l'enciclopedìa lìbbira.
L' e-mail o Posta Alittrònica (ditta macari imeil, e-mail, email) è nu missaggiu scrittu ô computer, e chi viaggia tràmiti la riti internet. Affirmàtusi â pàrtiri di l'anni '90 grazzi ô sviluppu di internet, e â pussibbilitati chi l' e-mail offri di mannari missaggi di manera istantània, e senza bisognu di usari ne carta ne stampanti, l'e-mail hà rivuluzziunatu la manera di cumunicari divintannu lu sirvizzu cchiù pupulari offertu di Internet oggi.
Pirmetti a li pirsuni ca hannu nu ndirizzu di Posta Alittrònica di mannari e arricèviri lìttiri alittrònichi.
Sù assai sìmuli a chiddi pustali, eccettu ca sù cunzignati assai cchiù vilocimenti di la Posta Vavaluci quannu si spidisci a distanzi lonchi, e eni, nna la maggiur parti di li casi, gratùita.
Pi mannari o arricèviri Posta Alittrònica, nu compiuter cu nu modim e na lìnia tilifònica cunnessa a Internet, e nu "softueir" ("software", chiamatu simplicimenti mailer) sù addumannati.
Ci sù diversi furmati pâ Posta Alittrònica.
Lu cchiù cumuni, chiamatu RFC 2822 assumgghiggia a utenti@duminiu.it.
Li missaggi di Posta Alittrònica cuntèninu di sòlitu testu, a li voti nta na stili HTML.
Comu la posta rigulari (la cusiddetta "posta vavaluci"), li utenta ponnu arricèviri nu munzeddu di posta ca nun ci ntiressa.
Cu la Posta Alittrònica, chissa si chiama spammi.
Certi "softueir" usati pi spidiri e arricèviri posta ponnu truvari stu spammi e filtràrilu cumplitamenti.
Certi azzienni fannu arricèviri e spidiri Posta Alittrònica aggratissi di nu "uebsait" ("website") rimotu. Gmail, Hotmail e Yahoo! fannu stu tipu di sirbizzu chiamatu "web mail".
[cancia] Liamenti sterna
- RFC 2822 Internet Message Format. April 2001
