Pier della Vigna
Di Wikipedia, l'enciclopedìa lìbbira.
Comu Giacomo da Lentini, Pier della Vigna (Capua 1190 ca. - Tuscana 1249) fici lu nutaru â curti di Fidiricu II di Hohenstaufen (Fidiricu I di Sicilia) puru. Nascìu di na fammigghia mudesta e studiò jurisprudenza a l'università di Bulogna. È forsi lu pirsunaggiu dâ Scola Siciliana cchiù emblimàticu. Veni mintuatu di Dante Alighieri ntô Divina Cummedia: chiddu ca tineva li dui chiavi dû cori di Fidiricu. Veni nominatu Gran Cancilleri Mperiali, e doppu di trent'anni di sirvizziu nta sta pusizzioni, addiventa vìttima dâ gilusìa e nvidia. Veni accusatu di tradimentu, arristatu e misu n càrciri ntâ galera dâ furtizza mperiali di San Miniatu unni, pi mustrari la sò nnuccenza, si suicidò. Lu sò puema cchiù cèlibbri è Amore, in cui disio ed ho speranza, unni usa li mudelli pruvinzali cu granni maistrìa.
Rifirimenti:
- Arba Sicula, Volumi XVI, Numira 1 & 2, Primavera & Autunnu, 1995.
