Sarvaturi Camilleri
Di Wikipedia, l'enciclopedìa lìbbira.
Sarbaturi Camilleri è nu scritturi sicilianu chi havi scrittu tanti òpiri pi sicilianu, cuntannu puisìi e cummedî pû tiatru. Veni cunziddiratu comu n'ammastratu dâ lingua siciliana, avennu scrittu na grammàtica acclamata e lu Vocabolario Italiano Siciliano, facirmenti lu megghiu vucabbulariu sicilianu muternu, certamenti lu cchiù cumpretu.
[cancia] Asempiu dâ sò puisìa
[cancia] di Luna Catanisa
Diciottu Jaròfuli
- Chianciulina a punenti
- la luna, jancu crisantemu,
- e chiovi.
- Nuvèmmiru, accantu di lu focu, campa
- di li ricordi di la primavera.
- Ju nun aju ricordi,
- a li mè spaddi rina senza màcula,
- nta lu celu canceddi sbarriati.
- Ntuttuna, dintra l'ànima, diciottu
- jaròfuli gintili,
- sirinata a li stiddi
- e prufumu d'aprili.
- Diciottu e tu mi guardi, e tu mi chiami...
- Centumila chitarri nta la notti.
- Lu celu di blu turcu, trapungiutu
- di matraperli e nàcchiri, e la luna
- ncantisimata supra di lu mènnulu.
- Diciottu, e mi si posa nta li manu
- la primavera.
