Kabupatén Karanganyar

Ti Wikipédia, énsiklopédi bébas

Kabupatén Karanganyar
Gambar:Lambang-Karanganyar.png Lambang Kabupatén Karanganyar
Gambar:Locator kabupaten karanganyar.png Peta lokasi Kabupatén Karanganyar
Motto	-
Propinsi	Jawa Tengah
Ibukota	Karanganyar
Lega Wilayah	772,20 km²
Kordinat	-
Pangeusi
· Jumlah	813.000 (2003)
· Kapadetan	1.053 jiwa/km²
Administratif
· Kacamatan	17
· Désa/ kalurahan	-
Dasar hukum	UU No. 13/1950
Tanggal	-
Bupati	Hj. Rina Iriani
Kode area telepon	0271
DAU	Rp. -
Situs web resmi: -

Kabupatén Karanganyar nyaéta salasahiji kabupatén di Propinsi Jawa Tengah. Ibukotana Karanganyar, kurang leuwih 14 km wétaneun Kota Surakarta. Kabupatén ieu wawatesan jeung Kabupatén Sragén di beulah kalér, Kabupatén Ngawi jeung Kabupatén Magetan (Jawa Timur) beulah wétan, Kabupatén Wonogiri di beulah kidul, sarta Kabupatén Boyolali, Kota Surakarta, jeung Kabupatén Sukoharjo di beulah kuloneunnana. Kabupatén Karanganyar miboga hiji kacamatan exclave nu aya diantara Kabupatén Boyolali, Kabupatén Sukoharjo, jeung Kota Surakarta.

Daptar eusi

1 Géografi
2 Babagian administratif
3 Transportasi
4 Objék sajarah jeung pariwisata
- 4.1 Objék sajarah
- 4.2 Objék pariwisata

[édit] Géografi

Beulah kulon Kabupatén Karanganyar mangrupakeun dataran handap, nyaéta hiji léngkob Bangawan Solo nu ngalir ka kalérkeun. Beulah wétanna mangrupa pagunungan, nyaéta bagian sistem ti Gunung Lawu. Gegedéna wewengkon ieu masih kénéh katutupan ku leuweung.

[édit] Babagian administratif

Kabupatén Karanganyar ngawengku 17 kacamatan, nu kabagi deui jadi sababaraha désa jeung kalurahan. Puseur pamaréntahannana aya di Kacamatan Karanganyar.

[édit] Transportasi

Wilayah Kabupatén Karanganyar diliwatan ku jalan nagara nu ngahubungkeun kota Solo-Surabaya, sanajan din aprak-prakannana mah jalur ieu henteu ngaliwatan ibukota kabupatén Karanganyar ogé. Karanganyar sorangan ayana 14 km wétaneun kota Surakarta. Beulah kulon kabupatén ieu kaasup kana wilayah pamekaran Kota Surakarta, hususna di Kacamatan Jatén.

Ibukota Kabupatén Karanganyar aya dina jalur wisata Solo-Tawangmangu-Sarangan-Magetan-Madiun. Angkutan umumna maké angkutan beus jurusan Solo-Karanganyar-Tawangmangu. Sanajan diliwatan ku jalur karéta api (Solo-Madiun-Surabaya), henteu aya karéta api panumpang nu mampir di wilayah kabupatén ieu.

[édit] Objék sajarah jeung pariwisata

Kabupatén Karanganyar mibanda sajumlah tempat bersejarah jeung alam nu has (utamana pagunungan) minangka objék pariwisata.

[édit] Objék sajarah

Di Kabupatén Karanganyar aya Candi Sukuh, Candi Cetho, jeung sahanteuna aya dua tempat nu mangrupakeun sésa komplék pamujaan Hindu ti jaman ahir Karajaan Majapahit. Di deukeut punclut Gunung Lawu pinanggih ogé susunan babatuan nu diperkirakeun asalna tina titinggal jaman pra-Hindu (mégalitikum). Di Kecamatan Matesih aya dua komplék pamakaman pangawasa Mangkunagaran nu padeukeut, nyaéta Astana Mangadeg jeung Astana Girilayu. Di deukeuteunnana aya Pamandian Pablengan nu geus aya ti jaman Kasultanan Mataram. Di deukeuteun kota Karanganyar (tepatna di Désa Janti) aya tempat nawis leungeun Perjangjian Giyanti, perjangjian nu ngajadi tanda awalna kolonialisme VOC jeung Walanda di bumi Mataram.

[édit] Objék pariwisata

Tawangmangu geus kawentar minangka wewengkon wisata pagunungan nu aya di lamping Gunung Lawu, kalayan daya tarik utamana curug Grojogan Séwu. Lamun seug arék naék ka punclut Gunung Lawu bisa dimimitian ti dieu.
Wisata Pertanian Organik nu aya di Désa Péréng Kacamatan Mojogedang jeung dikokolakeun ku Kelompok Tani Rukun Makaryo (tempat ieu kacida strategis minangka wisata pertanian).
Di beulah kalér kota Karanganyar aya Taman Hutan Raya nu cocog keur pangatikan kaleuweungan jeung pakémahan. Di deukeuteunnana aya kebon pangbibitan nu ngajual sagala rupa bibit tutuwuhan dataran handap nu kualitasna aya sértifikatan, saperti kadu, buah, jeung rambutan.

Kabupatén jeung Kotamadya di Propinsi Jawa Tengah
Kabupatén: Banjarnegara \| Banyumas \| Batang \| Blora \| Boyolali \| Brebes \| Cilacap \| Demak \| Grobogan \| Jepara \| Karanganyar \| Kebumén \| Kendal \| Klatén \| Kudus \| Magelang \| Pati \| Pekalongan \| Pemalang \| Purbalingga \| Purworejo \| Rembang \| Semarang \| Sragén \| Sukoharjo \| Tegal \| Temanggung \| Wonogiri \| Wonosobo Kota (kotamadya): Magelang \| Surakarta \| Salatiga \| Semarang \| Pekalongan \| Tegal
Baca ogé daptar kabupatén jeung kotamadya di Indonésia

Kabupatén Karanganyar, Jawa Tengah
Kacamatan: Colomadu \| Gondangrejo \| Jatén \| Jatipuro \| Jatiyoso \| Jenawi \| Jumantono \| Jumapolo \| Karanganyar \| Karangpandan \| Kebakkramat \| Kerjo \| Matesih \| Mojogedang \| Ngargoyoso \| Tasikmadu \| Tawangmangu