Krismasi

From Wikipedia

Krismasi (au Noeli) ni sikukuu ya kuzaliwa kwake Yesu Kristo kama miaka 2000 iliyopita. Husheherekewa tar. 25 Desemba.

Contents 1 Historia ya Krismasi 2 Habari za Krismasi katika Biblia 2.1 Injili ya Mathayo 2.2 Injili ya Luka 3 Habari za Krismasi katika Korani

[edit] Historia ya Krismasi

Tarehe halisi ya kuzaliwa kwake haijulikani kwa sababu utamaduni wa Wayahudi wa wakati ule haukujua sherehe au kumbukumbu ya siku ya kuzaliwa. Lakini miaka 200 baadaye Ukristo umekuwa ulienea sana katika Dola la Roma na kati ya mataifa waliokuwa na kawaida ya kuangalia siku ya kuzaliwa. Hivyo hamu imejitokeza kusheherekea pia Sikukuu ya kuzaliwa kwake Kristo. Hapo ndipo asili ya Sikukuu ya Krismasi.

Habari za kwanza kabisa za makadirio ya tarehe ya kuzaliwa kwake Yesu zapatikana kutoka Misri mnamo mwaka 200. Mwandishi Mkristo Klemens wa Alexandria (kitabu cha Stromateis I, xxi) alilalamika udadisi wa wataalamu kadhaa wa Misri waliodai ya kwamba wamekadiria tarehe hiyo katika mwezi wa Mei, wengine katika Aprili. Anataja pia ya kwamba kikundi cha kikristo cha wafuasi wa Basilides katika Misri walisheherekea Epifania pamoja na kuzaliwa kwake Yesu tar. 6 Januari.

Inaonekana ya kwamba tarehe ya 25 Desemba ilijitokeza kidogo baadaye. Kwa upande moja kuna taarifa ya mwaka 354 kutoka Roma ya kwamba tar. 25 Desemba ilikuwa sikukuu ya kuzaliwa kwake Yesu Kristo. Wataalamu mbalimbali walidai ya kwamba kanisa lilipachika sikukuu ya Kristo kwenye tarehe hiyo kwa nia ya kuchukua nafasi ya sikukuu iliyotangulia ya jua kama Mungu "Sol invictus".

Lakini inaonekana ya kwamba kadirio ya tarehe ya Desemba lina asili yake pia katika Misri. Tunasikia kuanzia mwaka 200 (mara ya kwanza katika maandiko ya Sixtus Julius Africanus) ya kwamba wataalamu wa Misri walifikiri tar. 25 Machi ilikuwa ya tarehe ya kufa kwake Kristo na pia siku ya kuzalishwa kwake. Kwa kuongeza miezi tisa ya mimba kunajitokeza 25 Desemba kama tarehe ya kuzaliwa.

Kutoka Roma iliyokuwa mji mkuu wa Dola la Roma sherehe ya 25 Desemba ilienea kote katika Ukristo.

Wakristo wengi husheherekea tar. 25 Desemba (Wakatoliki, Waprotestant, sehemu ya Waorthodoksi). Hasa kati ya Waorthodoksi kuna tarehe nyingine hasa 6 Januari kutokana na tofauti katika kalenda.

[edit] Habari za Krismasi katika Biblia

Habari za Krismasi kama sherehe hazipatikani katika Biblia kwa sababu zinazotajwa hapo juu. Vitabu viwili vya Agano Jipya vina habari za kuzaliwa kwake Yesu ni injili za Mathayo na Luka.

[edit] Injili ya Mathayo

Mathayo anasimulia katika mlango wa kwanza kuanzia aya 18 na katika mlango wa pili: Mariamu alipatikana kwa mimba wakati alipokuwa mchumba wa Yusufu. Yusufu alitaka kumwachisha lakini aliambiwa na malaika abaki naye na kumkubali mtoto na kumpa jina "Yesu". Mamajusi kutoka mashariki waliwatembelea na kuleta zawadi kwa sababu waliona nyota ya pekee iliyokuwa kwao alama ya kuzaliwa kwa mfalme mpya katika Uyahudi ikawaongoza hadi Bethlehemu. Lakini walitangulia kupita kwa mfalme Herode aliyekasirika akimwogopa mfalme mpya. Yusufu alipata tena ujumbe kutoka malaika akaondoka na mtoto na Mariamu kukimbilia Misri kabla ya askari za Herode hawakuweza kuwaua. Baada ya kifo cha Herode walirudi kutoka Misri lakini hawakuenda tena Bethlehemu bali kuhamia Nazareti.

[edit] Injili ya Luka

Katika taarifa ya Luka (mlango wa 1 na 2) Mariamu alipokea ujumbe kutoka malaika kuhusu mimba na mtoto wa pekee atakayemzaa huko Nazareti. Yusufu na Mariamu walikwenda Bethlehemu kwa sababu ya sensa iliyowataka kwenda katika mji alikotoka Yusufu. Hapa Bethelehemu Yesu alizaliwa katika hori ya kulisha wanayama; wachungaji mabondeni walitangaziwa habari na malaika wakaja kumwona mtoto. Baada ya kuzaliwa wazazi walimpeleka Yesu Yerusalemu katika hekalu kufuatana na sheria ya Agano la Kale (Kutoka 13,2; 13,15) halafu wakarudi kwao Nazareti.

[edit] Habari za Krismasi katika Korani

Korani ina pia habari za kuzaliwa kwake Yesu.

Sura ya tatu (Al Imran, 42-47) ina habari za tangazo la malaika mbele ya Mariamu zinazofanana na Luka 1.

Sura ya 19 (Mariamu, 16-34) inarudia tangazo la malaika mbele ya Mariamu na inasimulia kuzaliwa kwake Yesu chini ya mti wa mtende, halafu majadiliano kati ya Mariamu na ndugu zake. Mtoto mchanga Yesu aanza kusema wakati wa kuzaliwa na tena akimtetea mamake dhidi ya ndugu zake.

Makala hiyo kuhusu "Krismasi" bado ni mbegu. Unaweza kusaidia kuikuza kwa kubofya kitufe kilichoandikwa "hariri". Ikiwepo makala kuhusu Krismasi kwa lugha nyingine, unaweza kuitafsiri kwa Kiswahili.