கரகரப்பிரியா
கட்டற்ற கலைக்களஞ்சியமான விக்கிபீடியாவில் இருந்து.
கரகரப்பிரியா 22 வது மேளகர்த்தா இராகமாகும். வேத என்றழைக்கப்படும் 4 வது சக்கரத்தில் 4 வது மேளம். இதற்கு நேர் பிரதி மத்திம இராகம் ஹேமவதி (58).
| ஆரோகணம்: | ஸ ரி2 க2 ம1 ப த2 நி2 ஸ் |
| அவரோகணம்: | ஸ் நி2 த2 ப ம1 க2 ரி2 ஸ |
- இந்த இராகத்தில் ஷட்ஜம், சதுஸ்ருதி ரிஷபம்(ரி2), சாதாரண காந்தாரம்(க2), சுத்த மத்திமம்(ம1), பஞ்சமம், சதுஸ்ருதி தைவதம்(த2), கைசிகி நிஷாதம் (நி2) ஆகிய சுரங்கள் வருகின்றன.
[தொகு] சிறப்பம்சங்கள்
இது ஒரு மூர்ச்சனாகாரக மேளம். இதன் ரி, க, ம, ப, நி முறையே கிரக பேதத்தின் வழியாக ஹனுமத்தோடி, மேச கல்யாணி, ஹரிகாம்போஜி, நடபைரவி, தீரசங்கராபரணம் ஆகிய மேளங்களைக் கொடுக்கும்.
பல ஜன்ய இராகங்களைக் கொண்ட இராகம். பிரத்தியாகத கமகம் இவ்விராகத்திற்கு அழகைக் கொடுக்கும்.
இவ்விராகமே பழமையான சாமகானத்தை ஒத்து இருப்பதாக கூறப்படுகிறது. இந்துஸ்தானி இசையில் இதற்கு "காபிதாட்" என்பது பெயர்.
அசம்பூர்ண மேள பத்ததியில் சிறீராகமே 22 வது இராகமாகக் கொள்ளப்படுகிறது.
கருணைச் சுவையைக் கொண்டது. விரிவான ஆலாபனைக்கு இடம் கொடுக்கும் இராகம். எப்பொதும் பாடலாம்.
தியாகராஜர் இந்த இராகத்தில் பல கிருதிகளை இயற்றியுள்ளார்.
[தொகு] உருப்படிகள்
- கிருதி : சக்கனிராஜ : ஆதி : தியாகராஜர்.
- கிருதி : பக்கல நிலபடி :மிஸ்ர சாபு : தியாகராஜர்.
- கிருதி : என்ன செய்தாலும் : ஆதி : பாபநாசம் சிவன்.
- கிருதி : கண் பாரய்யா : ஆதி : கோடீஸ்வர ஐயர்.
- கிருதி : மாயவித்தை செய்வோனே : ஆதி : முத்துத் தாண்டவர்.
 இது கருநாடக இசையைப் பற்றிய குறுங்கட்டுரை. நீங்கள் விக்கிப்பீடியாவின் இக்கட்டுரையை வளர்க்க உதவலாம். |
