ஹைக்கூ
கட்டற்ற கலைக்களஞ்சியமான விக்கிபீடியாவில் இருந்து.
ஹைக்கூ (Haiku) மூன்று வரிகளில் முறையே ஐந்து, ஏழு, ஐந்து அசைகள் என 17 அசைகளைக் கொண்டு அமைக்கப்பெறும் இயைபற்ற ஜப்பானியக் கவிதை வடிவம். ஹைக்கூ மிகக்குறைந்த சொற்களைக்கொண்டு நேரடியாகவும் மறைமுகமாவும் அதிகம் வெளிப்படுத்துகிறது. 17ம் நூற்றாண்டில் பாஷோ இதனை மேலும் மெருகூட்டப்பட்ட கலையாக உயர்த்தியபோது இவ்வடிவம் தனித்தன்மையடைந்தது. இது ஜப்பானின் மிகப்பிரபலமான கவிதை வடிவாக இருந்து வருகிறது. விவரணக்கவிஞர்களும் ஏனையோரும் இதனை ஆங்கிலத்திலும் மற்ற மொழிகளிலும் பின்பற்றியுள்ளனர்.
தமிழ் ஹைக்கூ - சில மாதிரிகள் :
பிம்பங்களற்ற தனிமையில்
ஒன்றிலொன்று முகம் பார்த்தன
சலூன் கண்ணாடிகள்
- நா.முத்துக்குமார்
விதவை முகம் பார்க்கிறாள்
கண்ணாடியில்
ஒட்டுப் பொட்டு
- கவிபாலா
கண்ணாடியைத் துடைக்கத் துடைக்க
என் முகத்தின் அழுக்கு
மேலும் தெளிவாகிறது
- வைத்தீஸ்வரன்
செயற்கையாய் ஒரு சிலந்திவலை
கல்லடிபட்ட
பேருந்துக் கண்ணாடி !
- யாரோ.
பழைய குளம்
தவளை குதித்தது
தண்ணீரின் சப்தம்
- பாஷோ
[தொகு] வெளி இணைப்புகள்
இலக்கிய வகைகள்
