Philippine Airlines

Mula sa Tagalog Wikipedia, ang malayang ensiklopedya.

Philippine Airlines kilala din bilang PAL ay ang pambansang tagapaglipad sa himpapawid ng Pilipinas. Ito ay ang unang tagapaglipad sa Asya at ang pinakamatagal na sa industriya. Ang tirahan nito ay nasa Lungsod ng Makati. Ang Philippine Airlines ay lumilipad sa mga lokal at pang-ibayong dagat na mga destinasyon. Sa taong 2005, ito ay lumilipad sa 25 na lugar sa Pilipinas at tatlumpu't-isang lugar sa mga iba't-ibang bansa. Ang pinakapusod ng operasyon nito ay nasa Pandaigdigang Paliparang Ninoy Aquino sa lungsod ng Parañaque. Ang mga pangunahing kakumpetisyon nito ay ang China Airlines at Japan Airlines.

[baguhin] Kasaysayan

Ang Philippine Airlines ay naitatag noong Pebrero 1941, dahilan upang ito ay hirangin bilang pinakamatandang tagapagpalipad sa Asya na gamit pa din ang kasalukuyang pangalan. Ang PAL ay binuo ng grupo ng mga negosyante sa pamumuno ni Andres Soriano. Ang pamumuhunan ng gobyerno ng Setyembre ng taong din iyon ang nagbigay daan sa pagnanasyonalisa nito.

Nagsimula ang operasyon ng PAL ng Marso 1941 gamit ang isang Beech 18 na eroplano na lumilipad ng isang beses araw-araw sa pagitan ng Maynila at Baguio. Nahinto ang operasyon ng PAL ng sumiklab ang Ikalawang Digmaang Pandaigdig na tumagal sa Pilipinas mula 1942 hanggang 1945. Muling nanumbalik sa operasyon ang PAL noong Pebrero 1946 at lumilipad sa may 15 domestikong destinasyon. Ang fleet nito ay binubuo ng limang DC-3. Nang Hulyo ng taong din iyon, inuwi ng PAL ang may 40 Amerikanong tagapaglingkod sa California gamit ang isang tsarter na DC-4, kaya't ang PAL ang unang Asyanong tagapagpalipad na tinawid ang Karagatang Pasipiko. Nang Disyembre din ng taong iyon ay nagsimula ang regular na serbisyo sa San Francisco.

Tinungo ng PAL ang Europa noong 1947 sa pagkakakuha nito ng mga DC-4. Noong 1951 ay pinaupahan ng PAL and DC-3 nito na si Kinsei sa Japan Airlines na naging simula ng pagkakatatag ng unang tagapagpalipad ng Hapon. Makalipas ang siyam na taon, noong 1962, ay pinasok ng PAL ang Panahon ng Jet sa pagdating ng mga Douglas DC-8.