Londi
Èn årtike di Wikipedia.
Li londi (ou dilon) est l' no do prumî djoû del samwinne, li deujhinme po les Djwifs et ls Arabes.
Li foûme dilon egzistéve co coranmint a Fêmoneye ezès anêyes 1900 et des; mins c' est l' foûme avou aplacaedje tîxhon k' est ouy li pus corante. Li mot vént do latén lunae dies ki vout dire "li djoû del lune".
Li plupårt des lingaedjes romans eployèt s' no la, soeye-t i sol cogne di londi (lune-djoû) ou d' dilon (djoû-lune): lunes (castiyan), dilluns (catalan), lunedi (itålyin),... C' est co ç' sins la, oudonbén l' ci di "djoû di Mona" (li deyesse del lune dins l' mitolodjeye tîxhone) k' on rtrove dins les tîxhons lingaedjes. Eto e djaponès, li londi est li "djoû del lune" (月曜日, getsuyōbi). Mins e chinwès on djåze do "prumî djoû del samwinne" (星期一 u 週一), e portuguès c' est li "deujhinme" (segunda feria).
