פארווערטס
פֿון װיקיפּעדיע
פֿאָרװערטס איז אַ ייִדישע צײַטונג, װאָס דערשײַנט אין ניו־יאָרק.
די צײַטונג איז געגרינדעט געוואָרן דעם 22סטן אַפּריל, 1897, און האָט תּמיד געקעמפֿט פֿאַר סאַציאַלער גערעכטיקייט, געהאָלפֿן דורות אימיגראַנטן זיך צוגעוווינען צו דער אַמעריקאַנער געזעלשאַפֿט, און געווען די ערשט צו דרוקן וויכטיקע נײַעס־אַרטיקלען אינעם 20סטן יאָרהונדערט. אונטער דער אָנפֿירונג פֿונעם ערשטן רעדאַקטאָר, אַב קאַהאַן, האָט דער "פֿאָרווערטס" מיט זיך פֿאָרגעשטעלט דאָס קול פֿונעם ייִדישן אימיגראַנט.
אין די 1930ער יאָרן איז דער "פֿאָרווערטס" געוואָרן איינע פֿון די בעסטע טאָג־צײַטונגען אין אַמעריקע מיט אַ טיראַזש וואָס האָט דערגרייכט 275,000 קאָפּיעס. דער "פֿאָרווערטס" האָט געהאַט אַ השפּעה אין דער גאַנצער וועלט און אַפֿילו אינעם "ווײַסן הויז" אין וואַשינגטאָן. נאָך טויזנטער מענטשן האָבן זיך צוגעהערט יעדן טאָג צו דער "פֿאָרווערטס"־ראַדיאָ־סטאַנציע "WEVD". אינעם "פֿאָרווערטס" האָבן זיך געדרוקט שרײַבערס פון דער ייִדישער ליטעראַטור, צווישן זיי: מאָריס ראָזענפֿעלד, שלום אַש, אַבֿרהם רייזען, דוד בערגעלסאָן, י. י. זינגער, חיים גראַדע און די נאָבעל־לאַורעאַטן י. באַשעוויס און אלי וויזעל.
דער ערשטער נומער פֿונעם "פֿאָרװערטס" דער "פֿאָרווערטס" איז הײַנט אַ וואָכנצײַטונג, וואָס דינט ווי די הויפּט־פּובליקאַציע פֿאַרן ייִנגערן דור ייִדישע שרײַבערס. באָריס סאַנדלער, וועלכער איז געוואָרן הויפּט־רעדאַקטאָר אין 1998, האָט איבערגעמאַכט דעם "פֿאָרווערטס". איצט איז דער "פֿאָרווערטס" געוואָרן אַן אינטערנאַציאָנאַל־אָנערקענטע צײַטונג מיט אַ הויכן סטאַנדאַרד פֿון פּאָליטישער און קולטורעלער קריטיק, וואָס ציט צו לייענער פֿון אַ סך לענדער. יונגע רעדאַקטאָרן און שרײַבערס העלפֿן צו פֿאַרהײַנטיקן די צײַטונג. די "פֿאָרווערטס"־ראַדיאָ־שעה קען מען ווײַטער הערן יעדע וואָך און אויף דער אינטערנעץ.
זי איז אמאל געווען אַ גרויסע ײַדיש רעדענדיגע טאג צייטונג אין אמעריקע. היינט צו טאג איז דער פארווערטס א וואכן צייטונג. זײַ האבן אויך אן ענגלישע אויסגאבע, "דהי פֿאָרוואָרד", וואס דינט זײַער ליבעראלער אגענדע און לעבן־אויסקוק.
איר הײַנטיגער רעדאַקטאָר איז באָריס סאַנדלער. דער אסיסטענט־רעדאקטאר איז איציק גאָטעסמאַן.
אינהאַלט |
[בעאַרבעטן] קריטיק קעגן וויקיפעדיע
אין אקטאבער 2006 האבן פארווערטס פובליקירט אן ארטיקל וואס קריטיקטירט די יידישע וויקיפעדיע און טענהעט אז אירע ארטיקלען זיינען זייער קליין און פאסיג בלויז צו די פרומע געמיינדע (וואס דערפאר וואלט דאס געדארפט הייסן "חרדיפעדיע"). א ראיה דערפון בריינגען זיי פון די ערשטע ארטיקל "צעטל קטן" וואס איז זייער קליין געשריבן אָן פארברייטע אינפארמאציע. אויך שרייבן זיי אז דער ווארט "חורבן" איז נישט עקזיסט אין דעם וויקיפעדיער לעקסיקאן. (פארבינדונג צו דער ארטיקל)
עס איז אינטרעסאנט צו אויפמערקן אז זייערע אלע 3 טענות האט נישט קיין אונטערשטעל. 1. דער ארטיקל "צעטל קטן" איז פון די קלענסטע ארטיקלען אין די וויקיפעדיע. 2. לפחות 50% פון אונדזערע ארטיקלען האט גאר נישט צו טון מיט די פרומע, נאר פארקערט, פילע ארטיקלען פארטוהען זיך מיט טעמעס וואס דער פרומער עולם פארטוט זיך נישט. 3. דער ווארט "חורבן" איז שוין לאנג עקזיסט אין דער חורבן ארטיקל.
באנוצער:רוני שפאקולירט: אז ווארשיינליך האט דער שרייבער (שלום בערגער) באאיינדרוקט געווארן פון די נייעס קעסטל וואס ליגט אויף די הויפט זייט וואס פארטוט זיך אין די חרדישע וועלט נייעס און פאליטיק מיט לינקס יעדן טאג צו די הייד פארקס פארומען און נאך חרדישע און וועלטליכע וועב סייטס וואס רעדן ארום חרדים, און ער איז טאקע מודה אין ארטיקל אז היינט צוטאגס רעדן שוין די פרייע אידן כמעט נישט קין אידיש און יידיש ליגט בלויז ביי חרדים סא מאכט סענס אז יידישער וויקיפעדיע איז מער חרדיש געשטימט צוליב רוב פון איר באנוצער וואס קענען רעדן יידיש און זיי זענען די קאלעקטיווער שפראך.
[בעאַרבעטן] אירע שרייבער
- משה יודל דייטש
- שלום בערגער
- לייזער בורקא
- איציק גאטעסמאן
- שרה רחל שעכטער
- ביילע שעכטער גאטעסמאן
[בעאַרבעטן] זעהט אויך:
[בעאַרבעטן] לינקס
| אידישע צייטונגען |
|
 |
|---|---|---|
|
אידישע טריבונע | אלגעמיינער זשורנאל | בקהילה | גלאובס | דער איד | דער בלאט | הארץ | המודיע | הצופה | זשערוסאלעם פאוסט | זשאואיש וויק | זשואיש פרעס | ישראלי | יתד נאמן | ידיעות אחרונות | מעריב | נייעס באריכט | פנים אל פנים | פנים חדשות | מקור ראשון | פארווארד | פארווערטס | פייוו טאונס זשואיש טיימס | |
||
