Adjektiv

Us der alemannische Wikipedia, der freie Dialäkt-Enzyklopedy

S Adjektiv (lat.), düütsch: Eigeschafts- oder Biiwort, isch i dr Schpraachwüsseschaft die Wortart, wo d Beschaffeheit oder e Beziehig vomene (konkrete) Ding, ere (abschtrakte) Sach, vomene Vorgang oder Zueschtand usw. beschriibt. Es bezieht sich somit uf Subschtantive oder Pronome. Adjektiv sind deklinierbar und ghöred zur Gruppe vo de Nome. Im Düütsche werded Adjektiv chlii gschriebe.

S Adjektiv chann syntaktisch i zwei Verwendige vorchoo:

als Attribut (Biifüegig zumene Subschtantiv): Sie hatte blaue Augen.
prädikativ (in Verbindig mit sein, werden, bleiben und wenige ähnliche Verbe): Er war neugierig. Er blieb immer freundlich.

Die meischte Adjektiv vo dr düütsche Schpraach chönnd gsteigeret werde. Der Vorgang heisst Komparation:

Positiv: schön
Komparativ: schöner
Superlativ: am schönsten; der, die, das Schönste

Anderi Schpraache kenned au de Elativ (au "absolute Superlativ") als wiiteri Schteigerigsschtufe, wo jedoch kein Vergliich uusdruckt und im Düütsche mit "sehr", "äusserst", "höchst" usw. umschriebe wird. So wird er öppe im Italienische morphologisch gkennzeichnet und mit em Morphem -issim- gbildet (z. B. bellissimo: sehr schöner).

Fremdwörter im Düütsche, wo uf en Vokal ended, wie z. B. rosa, chönnd weder dekliniert no gschteigeret werde. Anderi Adjektiv, öppe Farbbezeichnige wie blau, beige, orange oder Bezeichnige vo absolute Eigeschafte wie voll, leer, tot (Absolutadjektiv) sowie Ableitige vo geografische Bezeichnige (z. B. die Berliner Luft; vgl. au die zwanziger Jahre), chönnd zwar dekliniert, jedoch nöd gschteigeret werde. Geografisch abgleiteti Eigeschaftswörter werded mit grossem Aafangsbuechschtabe gschriebe, sofern sie uf -er ended.

Abschtufige vo de Eigeschafte chönnd mängisch au mit Hilfswörter erreicht werde (bsunders hüüfig chunnt das in Form vo dr quasi-adverbiale Qualifizierig vo adjektivische Partizipie vor). Usser ere Verschtärchig vo de Eigeschafte laat sich so au e Abschwächig erreiche: mehr offenbar, am meisten gehört, weniger bedeutsam, besonders nichtssagend, voller geformt, am weitesten oben, am stärksten verbrannt, stärker orange, schwächer grün, am wenigsten sauber

In Dialekte werded au suscht nöd komparierbari Wörter gschteigeret oder Adverbe als Adjektive gbruucht: rosa – rosaner, zu – die zue Tür

E Adjektivierig isch d Bildig vomene Adjektiv us ere andere Wortart: hölzern (zum Subschtantiv Holz), lächerlich (zum Verb lachen).

Adjektive mached öppe en Sechstel vom gsamte düütsche Wortschatz uus. Die allermeischte leited sich us Subschtantive, Verbe und andere Adjektive ab, mit Suffixe wie -bar, -haft, -ig, -isch, -lich, -sam und dur Zämesetzigen. Nebed de Farbe gits nur öppe 220 "primäri" (eifachi) Adjektive im Düütsche, drunder:

alt arg arm barsch bieder bitter blank blass blind blöd brav breit bös(e) derb deutsch dicht dick doof dreist dumm dumpf dunkel dünn dürr düster eben echt edel eigen elend eng ernst fad(e) fahl fair falsch faul feig fein fern fesch fest fett feucht fidel fies finster fix flach flau flink forsch frech fremd froh fromm früh ganz geil gemein gesund glatt gleich grob groß gut halb harsch hart hehr heikel heiser heiter heiß hell herb hoch (hoh) hohl hold hübsch jäh jeck jung kahl kalt karg kess keusch klamm klar klein klug knapp krank krass kraus krude krumm kurz kühl kühn lahm lang lasch lau laut lauter lax leck leer leicht leise licht lieb lind link locker mager mies mild morsch munter müde mürb(e) nah nass neu nieder öd(e) offen plump prall pur rank rasch rau rauh recht rege reich rein roh rund satt sauber sauer scharf scheel schick schief schlaff schlank schlapp schlau schlecht schlimm schmal schmuck schnell schnöde schrill schroff schräg schwach schwanger schwer schwul schwül schön schüchtern selten simpel spitz spröde spät stark starr steif still stolz streng stumm stumpf stur süß tapfer taub teuer tief toll tot treu trocken träg(e) trüb tumb viel voll wach wahr warm weh weich weit welk welsch wenig wild wirr wohl wund wüst zahm zart zäh