Hölstein
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Kanton: | Basel-Landschaft |
| Bezirk: | Waldeburg |
| BFS-Nr.: | 2886 |
| PLZ: | 4434 |
| Koordinate: | 47° 26' n. Br. 7° 46' ö. L. |
| Höchi: | 422 m ü. M. |
| Flächi: | 6.02 km² |
| Iwohner: | 2277 (31. Dezember 2005) |
| Websyte: | www.hoelstein.ch |
| Charte | |
 |
|
| Technische Yschränkung: Dr koräkt Titel wär: »Höllschtä« |
 |
Dialäkt: Baseldytsch |
Höllschtä (hochdytsch Hölstein) isch e politischi Gmeind im Bezirk Waldeburg vom Kanton Basel-Landschaft in dr Schwiiz.
Inhaltsverzeichnis |
[ändere] Lag
Höllschtä liggt zwische dr Kantonshauptstadt Lieschtel und em Bezirkshauptort Waldeburg im Tal vo dr hinterä Fränke. Es wird durch d Hauptstroos yber dr Oberi Hauestei vo Lieschtel uss mit em Mittelland verbunde. Au s Waldeburgerli faart durch Höllschtä. Nochbergmeinde sin Buebedorf, Ramschbrg, Zunzge, Dännikä, Diegtä, Bämbel, Niiderdorf und Lampäbrg.
[ändere] Wappe
S Wappe (sit 1945) zaigt e silbrige Adler mit goldige Fäng uff rotem Grund (um ninzig Grad drait). S Wappe erinnert an d Bsitzer vom Dorf im 14. und 15. Joorhundert.
[ändere] Gschicht
Höllschtä isch 1093 s'erschti Moll erwäänt worde als Hulestein. Dr Name bedytet hohle Stei oder bim hohle Fels und hett nyt mit dr Höll ztue. Im 14. Joorhundert isch Dorf e Lehe vo de Ziefner gsi, emene Zwyyg vo de Eptinger, wos Dorf mehrmolls gege Basler Bsitzesglüscht hän miesse verteidige. 1629, 1830, 1924 und 1926 isch Höllschtä vo Hochwasser vo dr hinderä Fränke heimgsuecht worde. Bis zer Ereffnig vo dr Centralbahnlinie Basel-Olte hän vili Höllschtner vom Transport yber dr Ober Hauestei gläbt. 1904 isch d Uhrefabrik Oris uffgange, wo bis 1982 exischtiert hett. Die hyttig Oris SA verkauft no immer Uhre, aber lot sy nimme z'Höllschtä produziere.
[ändere] extärni Verbindige
| Koordinaten: 47° 26' N, 7° 46' O |
Der Artikel basiert uf ´ra freie Ibersetzung vum Artikel „Hölstein“ us dr dytsche Wikipedia.
