Oberuzwil
Us der alemannische Wikipedia, der freie Dialäkt-Enzyklopedy
| Wappe | |
|---|---|
 |
|
| Basisdate | |
| Kanton: | St. Gallen |
| Bezirk: | Wahlkreis Wil |
| BFS-Nr.: | 3407 |
| PLZ: | 9242 |
| Koordinate: | 47° 26' n. Br. 9° 7' ö. L. |
| Höchi: | 560 m ü. M. |
| Flächi: | 14.11 km² |
| Iwohner: | 5571 (1. Januar 2004) |
| Websyte: | www.oberuzwil.ch |
| Charte | |
 |
|
Oberuzwil isch e ländlichi Gmaind im Wahlchrais Wil vom Kantoo Sanggale i de Schwiz. D Gmaind lit im Untertoggeburg und het öppe 5500 Iiwohner. Si bestoot us de Dörfer Bichwil und Nidrglatt und merere chliine Wiiler und grenzt a Uzwil, Oberbüre, Flowil, Degersche und Jonschwil.
Im Süde vode Gmaind stoot de Eppeberg, won öppe 800 m höch isch und vo wo me bi guetem Wetter bis über de Bodesee luege cha. Im Weschte ghört de Bettenauerwaier zumene beliebte Usflugsziil.
[ändere] Gschicht
De Ort Oberuzwil erschint underem Name Uzzinwilare zerschtmol 819 und 824 i Uurchunde vom Chloschter Sanggale. Bichwil werd zerschtmol inere Urchund usem Joor 865 gnennt, als Pichilinwilare. Im Mittelalter isch s Gebiet vode Gmaind usem Fraigricht Oberuzwil, em Fraigricht Homberg (Nidrglatt, Hailigetschwil) und em Gricht Eppeberg (Bichwil) bestande, wäret s Dörfli Riggetschwil zude Fraiwaibelhueb Tegerschen (Degersheim) ghört het. Die oberi Grichtsbarkait isch de Groofe vo Toggeburg unterstande.
D Herre vo Eppeberg sind zerschtmol mitem Hainrich I. von Bichwil (1222) und em Chuonrat I. von Eppenberg (1259) in Erschinig trete. 1521 isch d Burg Eppeberg vom Blitz troffe worde und samte Burgherrin abbrennt. S Gschlecht vo de Eppeberg isch den verarmt und die nidri Grichtsbarkait uf d Here vo Thurn und Taxis übergange. Hüt haltet sich im Dorf Bichwil s Grücht, ass vode Burg Eppeberg en unterirdische Ghaimgang is Dorf füeri, doch physikalischi Messige vode ETH Züri hend kai Hiiwiis uf de Tunel gfunde.
1803 sind d Dörfer Oberuzwil, Nidrglatt und Bichwil zu de politische Gmaind Oberuzwil verbunde worde. Hüt sind d Dörfer Oberuzwil und Bichwil mitem Industriort Uzwil zämegwachse.
[ändere] Bekannti Lüt us de Gmaind
- Emil Abderhalden, Psycholog und Entdecker vode Abderhaldenschen Abwehrferment
- Franco Carlotto, Schauspiler, Modell, "Mr. World Fitness"
- Isaak Gröbli, Erfinder vode Schifflistickmaschine
[ändere] Weblinks
| Koordinaten: 47° 26' N, 9° 8' O |
