Rümmingen
Us der alemannische Wikipedia, der freie Dialäkt-Enzyklopedy
| Wappe | Charte |
|---|---|
 |
 |
| Basisdate | |
| Bundesland: | Baden-Württemberg |
| Regeerigsbezirk: | Friburg |
| Landkreis: | Lörrach |
| Flächi: | 4,46 km² |
| Iwohner: | 1.500 (5.6.2004) |
| Bevölkerigsdichti: | 336 Iwohner pro km² |
| Boschtleitzahl: | 79595 |
| Vorwahl | 07621 |
| Höhi: | 275m ü. NN |
| Geografischi Lag: | 47° 39' n. Br. 07° 39' ö. L. |
| Kfz-Kennzeiche: | LÖ |
| Gmeindischlüssel: | 08 3 36 073 |
| Adress vo dr Gmeiverwaltig: |
Lörracher Str. 9 79595 Rümmingen |
| Websyte: | www.ruemmingen.de |
| EMail Address: | gemeinde@ruemmingen.de |
| Politik | |
| Bürgameischta: | Heinrich Benner (CDU) |
Rümmige [ʁʏmigə] isch ä G'mei im Markgräflerland im Südweschte vo Dütschland.
Inhaltsverzeichnis |
[ändere] G'schicht
De Name Rümmige erschint s'erschtmol in ere Urkunde us em Johr 767 als Romaninchova mit welere die dörtmoligi Siedlung zämme mit sechs wiitere Dörfer an's fränkischi Königskloschter St. Denis bi Paris verkauft worde isch. Dä Kaufvertrag, weler im Original im Nationalarchiv z'Paris verwahrt isch, wird als Geburtsurkunde vo dr G'mei Rümmige betrachtet, wil jeglichi frueneri Ufzeichnige und auch Bodefünd, die uf e frueneri B'siedlig hindüte chönnte, fehlen. Des Roman im damalige Ortsname chönnti uf'm Zuzug vo römischi Siedler hindüte.
Us chleine Afäng het sich, wie Ortschronischt un Ehrebürger Karl Böhringer vazällt, e chleins Dorf mit strebsame Bure un Bürger entwickelt.
Geischtlich war Rümmige bis 1989 e Filiale vo dr Pfarrei Binze, weli urschprünglich zue dr Diözese Chonschtanz g'hört het. 1503 isch sie zuem Bistum Basel cho. Im selbi Johr hen sich d'Rümmiger Iwohner en eigini Chilche baut. Die gotischi Chapelle an de Dorfschtroos schtoht hüt no un bedütet eins vo de wertvollschte historische Gebäude vo dr G'mei.
Ab'm Joohr 1740 hen d'Rümmiger ihri Chinder nümmi uf z'Binze in d'Schuel g'schickt, sondern hen en eigene Lehrer ig'schtellt. Als Schuelgebäude het des hütige Awäse vo s'Ludäschers dient. 1835 het G'mei dann e eigeni Schuel baut, s'hütigi Roothus. Wo wieder Platz für d'Schuel g'fehlt het, isch me ins damoligi Roothus usg'wiche un het sich au nit dra g'stört, dass dört au die dörflichi Arreschtzälle i'baut war. 1964 het me denn de Neubau vo dr hütige Grundschuel bezoge. D'Schuel isch im Johr 1994 um zwei Klasseräum erwitert worde. Dodurch b'schtoht die Möglichkeit, daß alli Grundschueler vo dr G'mei am Ort unterrichtet werde. Sämtliche Hauptschueler werde z'Binzen unterrichtet. D'G'meihalle, weli im Johr 1977 ig'weiht worde isch, isch in über 17.000 freiwillige Arbetsschtunde von dr Rümmiger Bürgern baut worde.
In d'r Ziit vo de beginnendi Industriealisierung nimmt 1861 am Wittliger Weg e Bachsteimüller sini Arbet uf. Rentabilitätsschwierigkeite hen in de nachfolgende Johre e paar mol de B'sitzer wechsle lo, bis d' Firma Lange mit Fachkenntnis un kaufmännischem G'schick s' Unternehmen zuem e große Ufschwung g'fuehrt het. D' Ziegelei het de iheimische Buure un Handwerker Arbet un Iikoo.
1967 isch d' Ziegelei vo dr Brueder Lange vo de Tonwerke GmbH, Chandere überno worde. In de zwüscheziit isch de Betrieb un d' Produktion un de Verkauf iigstellt worde. D' Lag an de 1895 baute Chandertalbahn het de Ziegelei e moderni Verkehrsabindig bote. D' Bahn, s' "Chanderli" isch au uffgeh un als Museumsbahn erhalte worde.
Am End vom 2. Weltkrieg het e regi Bautätigkeit iigstetzt un d' Zahl vo dr Iiwohner isch vo 400 uff hüt 1500 Lüt g'stiege. Mit d'm größer werde vom Dorf hen au neui Stroßename g'funden werde muesse. Do het me sich an die große Söhn, z.B. an de Revolutionär Friedrich Neff vo 1848/49 un em Chronist un Ehrenbürger Karl-Friedrich Böhringer erinneret. De Brunnen bim hütige Kinderspielplatz isch noch em Moler un Bildhauer Hermann Scherer b'nennt worde.
Im usgewiesene Gwerbegebiet "In de Au" hen sich Betrieb ag'siedelt.
Im Joohr 1997 het könne d'Kapelle am Friedhof ig'weiht werde. D'gsamti Ussealag isch in rd. 2.000 freiwillige Arbetschtunde hergerichtet worde. Für d'Usgestalting vom Innenrum het d'G'mei vo dr Bürgerinne un Bürger Geld un Sachspende in ere Höchi vo rd. 40.000,00 EUR kriegt.
Au hüt mit rund 1500 Iwohner isch Rümmige e landwirtschaftlich un handwerklich 'prägte Ort mit dörflicher Tradition.
[ändere] G'meiroot
[ändere] Wappe
[ändere] Musee
- "Chanderli" - Chandertalbahn. Sit 1986 als Museumsbahn mit drei Dampflokene im Isatz.
[ändere] Bauwerk
- gotischi Chapelle, baut 1503: Jakobus-Chilche
hüt finde dört immer no Sunndigs-Gottesdienst statt.
[ändere] Sport
- Fueßballplatz
- Vereinsheim vom Turn- un Sportverein e.V.
- Ritplatz mit eme Richterhus vo dr Ritsport- un Rossfründ e.V.
- Tennisplatz mit em Vereinsheim vom Tennisclub e.V.
[ändere] Regelmäßigi Veranschtaltige
- Brunnefescht
[ändere] Bildig
- Grundschuel Rümmige
[ändere] Persönlichkeite
- Friedrich Neff
- Hermann Scherer
[ändere] Ehrenbürger
- Karl-Friedrich Böhringer
