Ciruxía
De Uiquipedia
Una ciruxía (del griegu cheirourgia - lit. "trabayu manual") ye una práutica terapéutica qu'implica manipulación y que presupón l'accesu al interior del organismu al traviés de furar o curtiar na piel. Aplícase a les actividaes cruentes cuya finalidá ye iguar o amenorgar mediante maniobres manipulatives sofitaes por dellos intrumentos el dañu causáu por ciertes malures u otros axentes.
A diferencia de la Patoloxía Interna, la Patoloxía Esterna (términos equivalentes en desusu que remanecieron en Medicina Interna y Ciruxía) se refier a les enfermedaes estructurales onde tien aplicación la ciruxía, y s'acomuñen básicamente en:
- Estructura perforada o sangrante.
- Estructura (víscera) ocluida.
- Estructura anormal = Masa (tumor cásique siempres, pero pue ser un aneurisma o meninxoma).
- Dolor (a la fin pue ser l'únicu mediu d'amenorgalu -radiculotomía por exemplu).
Ye importante rescamplar que la ciruxía en permunches ocasiones nun ha representar la cabera alternativa, sinón la d'elleición, so pena de prauticar un manexu tardiego d'una torga, (esto ye especialmente válidu en ciruxía de mama).
Considérase'l pá de la ciruxía a Ambroise Paré.
[editar] Rames de la Ciruxía
- Ciruxía Xeneral
- Ciruxía Ortopédica y Traumatoloxía
- Ciruxía Maxilofacial
- Ciruxía Torácica
- Ciruxía Cardiaca
- Ciruxía Vascular
- Ciruxía Plástica
- Neurociruxía
