Bow Street
Oddi wrth Wicipedia, y gwyddoniadur rhydd.
Pentref yng Ngheredigion yw Bow Street. Mae'n ymestyn yn stribed hirgul o bobtu i lôn yr A487 tua 3 milltir i'r gogledd-ddwyrain o Aberystwyth. Ar un adeg roedd gan y pentref orsaf ar Reilffordd y Cambrian. Mae yn ardal Genau'r Glyn.
Mae tarddiad yr enw yn ansicr. Yn ôl rhai awdurdodau 'Nantafallen' neu 'Nantyfallen' oedd hen enw'r gymdogaeth, ond 'Bow Street' yw'r unig enw arni heddiw (does dim fersiwn Cymraeg).
'Capel y Garn' yw enw'r hen gapel yn y pentref. Evan Richardson, athro John Elias a Hugh Owen, oedd y sentar cyntaf i bregethu yn Bow Street tua'r flwyddyn 1780. Codwyd y capel cyntaf yn 1793, a chodwyd capel newydd ar y safle yn 1833 am fod y gynulleidfa wedi cynyddu gymaint.
Hanner milltir i'r gogledd o'r pentref mae cymuned wledig Rhyd-y-pennau. Mae lôn yn arwain i lawr i bentref bach Clarach a Bae Clarach ar yr arfordir, ar y ffordd i'r Borth. I'r de mae Comins Coch ac i'r dwyrain Plas Gogerddan. O'r gyffordd tu allan i'r pentref mae ffordd yn rhedeg i fyny i'r bryniau i gyfeiriad Rhaeadr.
Lleolir gwasg enwog 'Y Lolfa' yn Bow Street.
[golygu] Enwogion
- T. Ifor Rees, awdur llyfrau taith a llysgennad
| Trefi a phentrefi Ceredigion |
|
Aberaeron | Aberarth | Aberporth | Aberteifi | Aberystwyth | Beulah | Blaenplwyf | Y Borth | Bow Street | Ceinewydd | Ciliau Aeron | Y Faenor | Llanarth | Llanbedr Pont Steffan | Llandyfriog | Llandysul | Llangrannog | Llanilar | Lledrod | Pontarfynach | Pontrhydygroes | Tregaron |
