Ĉatirdago
El Vikipedio
Ĉatirdago (rus. Чатырдаг, ukr. Чатирдаг, krim. Çatırdağ) - la monta masivo, troviĝanta en la suda parto de Krimeo, 10 kilometrojn for de la maro. Ĝi apartenas al la ĉefa montoĉeno de Krimea montaro kaj estas unu el la plej altaj montoj de Krimeo (1527 m).
La nomo de la monto havas tjurkan devenon kaj signifas laŭvorte "tendo-monto". Antaŭe ĝi nomiĝis ankaŭ Trapezus (de la helena - "Tablo"; havis certan rolon ankaŭ la formo de la monto - de pluraj punktoj ĝi aspektas kiel trapezo).
Nuntempe la monto situas aparte de la aliaj montoj de la ĉefa montoĉeno, la kialo estas la eroziaj procezoj: nun la monton disigas disde la Babugana altebenaĵo la valoj de la riveroj Ulu-Uzeno kaj Almo, disde Demerĝo kaj Dolgorukova altebenaĵo - la rivero Angaro. La monto havas la supran kaj la malsupran ebenaĵon. Sur la supra ebenaĵo situas la du pintoj: la orienta - Angarburuno (1453 m.) kaj la okcidenta - Ekliziburuno (1527 m.). La longo de la malsupra ebenaĵo de nordo al sudo estas ĉ. 10 kilometroj, la larĝo de okcidento al oriento - ĉ. 4 km.
Ĉatirgado estas klasika karsta regiono. Laŭ la konsisto de la petroj ĝi divideblas je du etaĝoj. La supra (ĉ. 1000 metrojn dika) estas formita de la kalkoŝtonoj, kiuj aperis dum supra ĵurasio. La malsupra estas formita de la petroj, kiuj aperis dum supra triasa kaj malsupra ĵurasia periodoj.
La malsupra ebenaĵo de la monto havas pli ol 200 kavernojn kaj kavaĵojn. Por turistoj la plej allogaj estas la speciale ekipitaj Marmora kaverno kaj la kaverno Eminebairĥosaro.
