Frédéric Auguste Bartholdi
El Vikipedio
Frédéric Auguste Bartholdi naskiĝis la 2-a de aŭgusto 1834 en Colmar en la franca departemento Haut-Rhin, sed pasis sian infanaĝon en Parizo. En 1853, li faris sian unuan skulptaĵon, la Generalo Rapp, por la urbo Colmar. 21 jaraĝe li longtempe vojaĝis kun amikoj en mezoriento. Li malkovris la tieajn gravajn malnovajn konstruaĵojn kiuj forte influos lin.
De 1857 ĝis 1871, li skulptis multajn verkojn, inter ili la unuan version de la statuo de libereco, projekto farota kiel lumturo por la kanalo de Suez.
En julio 1870, Francio ekkomencis militon kun Prusio, dum kiu Bartholdi estis oficiro en Naciaj gvardistoj. La sekvonta paco donis lian naskiĝan regionon al Germanio. Korvundita li foriris en usonon. Lia unua skulptaĵo farita tie, nomiĝis "La malbena Alzaco". Li komencis la statuon de la libereco en 1875 kaj en 1880 Francio oficiale donacis la statuon al usono, kaj ĝi estos inaŭgarata la 28-a de oktobro 1886. Li mortis la 4-a de oktobro 1904.
[redaktu] Verkoj
Aliaj famaj skulptaĵoj:
- La fontano antaŭ la urbdomo de Liono.
- La leono en Belfort
- La fontano de la Kapitolo en Vaŝingtono
- La statuo de Vercingetorix en Clermont-Ferrand
