Humphrey R. Tonkin
El Vikipedio
Humphrey Richard TONKIN (naskiĝis la 2-an de decembro 1939 en Truro) venas el Britio kaj loĝas nun en Usono. Profesie li estas profesoro pri angla literaturo, specialisto pri la renesanca periodo (ankaŭ Ŝekspiro). Li diplomiĝis en Kembriĝo, doktoriĝis en Harvard kaj estis prezidanto de la Universitato de Hartford.
Tonkin, kunfondinto de la junulara Esperanto-asocio en Britio, en la 1960aj jaroj estis Estrarano de TEJO kaj fondinto de la revuo Kontakto. De 1969 ĝis 1971 li estis TEJO-prezidanto.
En la UK de Hamburgo en 1974 la Komitato de UEA elektis lin prezidanto, posteulo de Ivo Lapenna. Li restis sur la posteno ĝis 1980 kaj prezidis denove de 1986 ĝis 1989. Tonkin en 2001-2004 denove oficis en la Estraro, kiel vicprezidanto. Li ankaŭ estas la prezidanto de la Esperantic Studies Foundation kaj plenrajta membro de AIS San-Marino.
Tonkin estas Honora Prezidanto de TEJO kaj ano de la Honora Patrona Komitato de UEA. Cetere li aktivas en CED, redaktas la interlingvistan parton de la bibliografio de MLA kaj havis aŭ havas multajn aliajn funkciojn. Li grave kontribuis al la nuntempe aktuala statuto de UEA el 1980.
Humphrey /Ham'fri/ TONKIN (1939- ). Esperantistiĝis en 1956. Brito, poste usonano. Doktoro kaj profesoro pri literaturo. Dum multaj jaroj estis rektoro de la Universitato de Hartford, ĉe kiu li aranĝadis famajn somerajn Esperanto-kursojn. Iama prezidanto de TEJO kaj la unua redaktoro de la magazino "Kontakto". Multjara komitatano, estrarano, prezidanto (nun membro de Honora Patrona Komitato) de UEA. Kunredaktoro de la revuo "Language Problems & Language Planning" (Lingvaj problemoj kaj lingva planado). Estrarano de Centro de Esploro kaj Dokumentado pri la Monda Lingvo-Problemo (CED). Verkis, redaktis kaj tradukis elstarajn esperantologiajn verkojn. Prilaboras la Esperantan sekcion de prestiĝa faka bibliografio pri lingvistiko kaj literaturscienco. Aŭtoras sennombrajn artikolojn, studojn kaj paroladojn. Elstara organizanto kaj oratoro. Membro de la Akademio de Esperanto.
| Por tiu ĉi artikolo estas uzitaj materialoj el la libro Vojaĝo en Esperanto-lando de Boris Kolker kun afabla permeso de la aŭtoro. |
[redaktu] Publikigaĵoj
(elekto)
