Kontakto (revuo)
El Vikipedio
Esperanto > Esperanto-kulturo > Esperanto-gazeto > Kontakto
Kontakto estas dumonata junuleca revuo pri landoj, popoloj, kulturoj, socio kaj politiko. Ĝi estas revuo TEJO eldonata de UEA kaj legata en ĉ. 90 landoj. Kontakto estis fondita en 1963, kaj ĝia unua redaktoro estis Humphrey R. Tonkin.
Kontakto estas aparte celata por instruistoj kaj komencantoj: parto de la artikoloj aperas en la lingvaĵoj "facila" kaj "tre facila" – kun limigita kvanto de radikoj. Individuaj membroj kaj patronoj de TEJO ricevas Kontakto-n automate, sed eblas ankaŭ aboni. Blinduloj povas ricevi voĉlegitan kasedan eldonon senpage.
Enhavo |
[redaktu] Redakcio
Kontakto, 16800 Phillips Rd. Alpharetta, GA 30004 Usono. Ret-adreso: <kontaktoĈEtejo.org>. Redaktoro: Ĵenja Amis (Ukrainio/Usono). Vic-redaktoro: Joel Amis (Usono). Ĉef-korektisto: Paŭlo Moĵajev (Ukrainio).
[redaktu] Eldonanto, administrado, abonoj, anoncoj
UEA: Nieuwe Binnenweg 176, NL-3015 BJ Rotterdam, Nederlando. Tel.: +31 10 436 10 44 Fakso: +31 10 436 17 51 Ret-adreso: <uea@inter.nl.net>.
[redaktu] Temoj de Kontakto en 2006
- 2006:1. Kie mitoj kaj realeco interplektiĝas
- 2006:2. Vegetarismo/bestaj rajtoj
- 2006:3. Lingvoj
- 2006:4. Egalaj rajtoj/feminismo, kunlabore kun Konsilio de Eŭropo
- 2006:5. Tutmondiĝo
- 2006:6. Amo
[redaktu] Venontaj numeroj
Kutime ĉiu numero de Kontakto havas sian temon, aŭ emfazon, sed en ĉiu numero publikiĝas ankaŭ alitemaj materialoj. La temoj de Kontakto 2007 estos:
- 2007:1. Mitoj.
- 2007:2. Libero. Limdato: 1-a de marto.
Ĉiuj modernaj socioj, almenaŭ buŝe, agnoskas la ideon de libero - la disputebla punkto estas nur kiel oni difinas liberon kaj kiamaniere oni praktikas ĝin: ekzemple, ĉu libero estas la rajto vivi sen la malhelpiloj de malriĉeco – aŭ ĉu libero estas ankaŭ la rajto de riĉuloj senbride amasigi materialajn posedaĵojn? Pri tiuj ĉi kaj multaj aliaj demandoj ni parolos en la dua numero de Kontakto. Kontribuu ankaŭ vi!
La temoj de la venontaj temoj estas ankoraŭ ne deciditaj - proponu vian temon!
Post la eldono de papera numero, per de la reta Jarlibro de UEA en la reto ekhaveblas ankaŭ la reta versio de la revuo por TEJO-membroj kaj ĉiuj Kontakto-abonantoj: [1] (bv. enmeti vian salutvorton kaj pasvorton, kaj tiam ĉe la dekstra flanko elektu TEKO-n).
[redaktu] Kunlaborado
Aŭtoroj kaj kunlaborantoj de Kontakto venas el la tuta mondo, kaj oni povas kontribui sian (prefere originalan) artikolon al la revuo. La aŭtoroj ricevas senpagan ekzempleron de la revuo.
[redaktu] Kontakto por blinduloj
Blinduloj kaj malfortvidantoj povas ricevi voĉlegitan eldonon senpage. Necesas sendi du 60-minutajn kasedojn al Elise Lauwen, Fort Alexanderstraat 16, NL-5241 XG Rosmalen, Nederlando.
[redaktu] Historio kaj redaktoroj
Humphrey R. Tonkin, Stefan Maul, Simo Milojevic, Giorgio Silfer, Jouko Lindstedt, Giulio CAPPA, Dario Besseghini, Anna Löwenstein, Leif Nordenstorm Francisco Xavier Moleón, István Ertl, Francisco Veuthey, Sabira STåHLBERG, Ĵenja Amis (de 2002 ĝis nun)
La unua Kontakto aperis en 1963, sed la ideo krei “liberan forumon” kaj “aŭtentikan revuon pri interesaj temoj por junaj esperantistoj” naskiĝis en 1962. Sociologio kaj humuro estis la preferataj kampoj de Humphrey R. Tonkin, la unua Kontakto-redaktoro. Stefan Maul (Germanio) transprenis Kontakto-n en 1966 (post 14 jaroj, en 1980, li kreis la revuon Monato).
En 1968 la redaktorecon transprenis Roman Dobrzynski (Pollando). Roman preferis kulturajn temojn (literaturo, fotografio, historio, arto).
De 1970 ĝis 1974 Kontakto estis redaktata de Ulrich Lins (Germanio), Simo Milojeviĉ (Jugoslavio/ Nederlando) kaj Hans Zeilinger (Germanio), post unu jaro anstataŭita de Wim Jansen (Nederlando).
En 1976 Kontakto translokiĝis al Finnlando. La redaktadon transprenis italo Giorgio Silfer (tiutempe li redaktis Literaturan Foiron) kaj finno Jouko Lindstedt.
De 1978 la redaktoran torĉon prenis nov-zelandano Stefan MacGill, kaj la redakcio translokiĝis al la Centra Oficejo de UEA. Stefan ne restis sola: Giulio Cappa (Italio) akompanis lin ĝis la fino de 1979, ekde kiam alia italo, Dario Besseghini, kunredaktis Kontakto-n. Stefan ĉesis esti ĉef-redaktoro en 1980, sed li restis malantaŭ la kulisoj kiel teknika redaktoro ĝis 1986. Tiam al Dario aliĝis Karl Pov (aŭ Charles Power).
Komence de la 1980aj jaroj Kontakto perdis sian socipolitikan engaĝiĝon. Apero de Monato kiel politika magazino kaj malgranda abonantaro devigis Kontakto-n redifini sian rolon kaj ekkonsideri komencantojn. Ankaŭ movadaj artikoloj estis ekster Kontakto – ili trovis sian lokon en la naskiĝinta en 1983 TEJO Tutmonde. Ekde tiam granda parto de la artikoloj aperas en facila lingvaĵo. Facilan parton ekredaktis Anna Brennan. Anna kreis la "facilan liston" de la plej oftaj radikoj, uzataj por la artikoloj en "facila" kaj "tre facila" lingvaĵo. Ekde 1983 Anna estis akompanata de Leif Nordenstorm (Svedio), kiu ekde 1986 fariĝis la sola redaktoro. Leif foriris en 1989.
La jaron 1990 inaŭguris la numero redaktita en la CO de Javier Moleón. La dua numero 1990 estis jam redaktita de István Ertl (Hungario). En 1992 li estis elektita kiel redaktoro de revuo Esperanto. Ekde tiam Kontakto eniras la novan eraon, kun nova redaktoro – Francisco Veuthey, nova stilo, nova logsimbolo kaj novaj ideoj. La nombro de abonantoj multe kreskis kaj atingis en la lasta jaro de Veuthey historian rekordon de 2050. Sabira Ståhlberg akurate kaj diligente laboris por Kontakto-n kvar jarojn – de 1998 ĝis 2001.
Ekde 2002 Kontakto estas redaktada de Ĵenja Amis (ĝis 2005 - ZVEREVA), kun helpo de Joel Amis, unue kiel ĉef-korektisto kaj aŭtoro, kaj nun kiel vic-redaktoro. La ĉef-korektisto ekde la numero 197 (2003:4) estas Paŭlo Moĵajev. La grafikan parton ekde 2005 faras Ĵenja Amis (kompilita laŭ la artikolo "30 jaroj da Kontaktoj” de F. VEUTHEY, Kontakto 137/138 (1993:5/6)
