Jostedalsbreen
El Vikipedio
La Jostedalsbreen en Norvegio estas la plej granda eŭropkontinenta glaĉero.
Ĝi situas en la nordo de la provinco Sogn og Fjordane norde de la Sognefjord kaj mezuras ĉirkaŭ 100 km de nordo al sudo kaj ĉirkaŭ 15 km de oriento al okcidento. La glacitavelo mezuras ĝis 500 m. La surfaco estas ĉirkaŭ 550 km². En Eŭropo nur la Austfonna (Svalbard/Norvegio) kaj la Vatnajökull (Islando) estas pli grandaj.
La glaciejebeno troviĝas je alteco de 1600 ĝis 1900 metroj super la maro. Kelkaj malmultaj pintoj, kiel la Suphellenipa (1731 m) aŭ la Lodalskåpa (2083 m) elstaras el la glaciejo. La Jostedalsbreen ne estas postvivanto de la lasta glaciepoko, sed kreiĝis nur poste, kiam de ĉirkaŭ 500 antaŭ Kristo okazis klimata malpliboniĝo. Pro la malvarmigo, glaciejo kreiĝis en la regiono. Ĉirkaŭ 1750 la vetero estis la plej malvarma (vidu ankaŭ: Malgranda glaciepoko) kaj la glaciejoj de Norvegio sterniĝis plej larĝe. Post tiam ili malpligrandiĝis.
De 1991 por protekto de la naturo ekzistas la Nacia Parko Jostedalsbreen kun surfaco de 1.310 km².
La plej famaj brakoj de la Jostedalsbreen estas okcidente la Briksdalsbreen kaj oriente la Nigardsbreen.
