Křivoklát
El Vikipedio
Křivoklát (legu KrĵivoklAt) estas vilaĝo kaj somerrestadejo, situanta 13 km de urbo Rakovník. Ankaŭ tio estas nomo de burgo.
Burgo Křivoklát estadis ofte loko de deviga restadejo de politikaj kontraŭuloj de regantoj. En loko de ligna ĉasista burgeto komencis reĝo Venceslao la 1-a konstrui proksimume en la jaro 1240 masonitan burgon, en la laboroj daŭrigis reĝo Přemysl Otakar la 2-a per konstruado de etaĝa palaco kun kapelo kaj granda cilindroforma turo. Tra traveturejo de la palaco vicigita per frue gotikaj arkadoj kaj apartenanta al la plej belaj formacioj de la ĉeĥa gotika arto oni eniras en internan kortegon, el kiu eblas vidi organike kunkreskintan tutaĵon de la burgo. La vigla vivo, frostigita post la morto de Přemysl Otakar la 2-a, revenis nur dum regado de reĝo Venceslao la 4-a, kiu ĉi tien vojaĝis ne nur por ĉasi, sed li gvidis en la burgo ankaŭ vicon da diplomataj traktadoj. Tiutempe estis farita vico da reguligoj. Signifa alikonstruo estis farita nur dum Vladislao la 2-a Jagello kaj ties sekvanto Ludoviko la 1-a en la jaroj 1493 – 1522. Habsburgoj ŝanĝis la burgon en ŝtatan malliberejon. Ekde la duono de la 16-a jarcento, kiam estis arestata la unua episkopo de unueco frateca Jan Augusta kaj ties sekretario Jakub Bílek, la burgo fariĝis sensignifa. Ambaŭ arestitoj estis tralasitaj en liberecon pro merito de Filipina Welserová, kiu tiam vivis en la burgo kun ĉeepiskopo Ferdinando. Imperiestro Rudolfo la 2-a malliberigis en turo nomata Huderka spionon, "alĥemiiston" Edwardon Kelleyon, kiun esplordemandadis ekzekutisto Jan Mydlář. En duono de la 17-a jarcento la burgo transiris el posedaĵo de Ĉeĥa krono kaj ĝi estis lombardigata al Schwarzenberkidoj, pli malfrue vendita al Valdštejnidoj kaj al Fürstenberkidoj.
Romantismo de la 19-a jarcento revivigis intereson pri la burgo. Komenciĝis renoviglaboroj kaj nuntempe la burgo estas alirebla por publiko.
Urbeto Křivoklát estiĝis en la jaro 1896 per kuniĝo de vilaĝoj Amalín kaj Budy. En Budy estas baroka muelilo el la 16-a jarcento. Ĉefa memorigaĵo de Amalín estas preĝejo de sankta Petro el la 16-a jarcento, barokigita en la jaro 1728 kaj novgotike alikonstruita en la jaro 1885.
| Mezbohemia regiono | |
|---|---|
| ▼ | |
| Urboj kaj vilaĝoj en distrikto Rakovník | |
| ▼ | |
| Bdín ~ Branov ~ Břežany ~ Čistá ~ Děkov ~ Drahouš ~ Hořesedly ~ Hořovičky ~ Hracholusky ~ Hřebečníky ~ Hředle ~ Hvozd ~ Chrášťany ~ Janov ~ Jesenice ~ Kalivody ~ Karlova Ves ~ Kněževes ~ Kolešov ~ Kolešovice ~ Kounov ~ Kozojedy ~ Krakov ~ Krakovec ~ Kroučová ~ Krty ~ Krupá ~ Krušovice ~ Křivoklát ~ Lány ~ Lašovice ~ Lišany ~ Lubná ~ Lužná ~ Malinová ~ Městečko ~ Milostín ~ Milý ~ Mšec ~ Mšecké Žehrovice ~ Mutějovice ~ Nesuchyně ~ Nezabudice ~ Nové Strašecí ~ Nový Dům ~ Olešná ~ Oráčov ~ Panoší Újezd ~ Pavlíkov ~ Petrovice ~ Pochvalov ~ Přerubenice ~ Příčina ~ Přílepy ~ Pšovlky ~ Pustověty ~ Račice ~ Rakovník ~ Roztoky ~ Ruda ~ Rynholec ~ Řeřichy ~ Řevničov ~ Senec ~ Senomaty ~ Skryje ~ Slabce ~ Smilovice ~ Srbeč ~ Svojetín ~ Sýkořice ~ Šanov ~ Šípy ~ Švihov ~ Třeboc ~ Třtice ~ Václavy ~ Velká Buková ~ Velká Chmelištná ~ Všesulov ~ Všetaty ~ Zavidov ~ Zbečno ~ Žďár | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
