Nikolai Evstifejev
El Vikipedio
Tiu-ĉi artikolo tiras informon el Enciklopedio de Esperanto.
Nikolai P. EVSTIFEJEV estis rusa esperantisto. Malnova Esperantisto, (jam ĉ. 1890), kiu laboris amplekse kaj diversmaniere por Esperanto. Kunlaboris je L' Esperantiste, Juna Esperantisto, Český Esperantista, Literatura Almanako de Lingvo Internacia, SR. ktp. Li vizitis Theodoron Čejka-n en printempo 1902 kaj estis la unua fremdulo, kun kiu Čejka parolis Esperante. En 1907 li eldonis kun slovaka kuracisto, tolstojano Albert Škarvan la unuan lernolibron de Esperanto por slovakoj. En 1908– 10 li loĝis en Sofio kaj tre multe laboris por la Bulgara movado. En 1909 vizitis Beogradon kaj faris propagandon tie.
Li tre monhelpis la movadon per abono de revuoj al grupoj, helpoj al vojaĝoj de propagandistoj, ktp. Dum la okazaĵo de Delegacio por alpreno de la lingvo internacia, li multajn subskribojn havigis kaj monsubtenis Louis Couturat (kiu devus labori por Esperanto) per pluraj mil frankoj.
[redaktu] Verkoj
Škarvan, Albert; Nikolai P. Evstifejev
Universala Vortaro de la Lingvo Internacia “Esperanto” 2.631 radikoj
En: Fundamento de Esperanto Slovaka eldono Základy Medzinarodney reči Esperanto
Turčiansky Svátý Martin: N.P. Evstifejev, 1907 19x12cm [2], 10, 110, [1], 16p.
2a eld.: Chicago, Rovnosti L’udu, 1918 18x13cm 128p
