Scheme
El Vikipedio
Scheme [skim] estas la funkcia programlingvo, kreita de Guy L. Steele kaj Gerald G. Sussman je 1975, unu el du la plej popularaj dialektoj de Lisp (la alia populara Lispa dialekto estas Common Lisp). Ĝia baza ideo estas minimumeco. Anstataŭ amasigi trajtojn unu post la alia, Scheme provizas kiel eble malmulte primitivajn nociojn, sed ebligas facile efektivigi ĉion super ili.
Enhavo |
[redaktu] Mallonga priskribo de trajtoj
- Treege minimuma sintakso kompare al aliaj programlingvoj.
- Precipe funkcia stilo de programado (t. e. "funkcioj vokas funkciojn" sen deviga tempa ordo de komputo), sed ordonema stilo (kiam "agoj sekvas agojn" en strikta tempa ordo) ankaŭ uzeblas.
- Listo estas la precipa datuma strukturo (kiel en ĉiu Lispa dialekto).
- Unua membro de listo estas normale la nomo de funkcio aŭ operatoro - tial Scheme bezonas neniujn regulojn por operatora prioritato.
- Efike realigitaj tabeloj (angle - "arrays").
- Statikaj, t.e. blokaj, regionoj de nomoj (tradicie Lisp havis dinamikajn regionojn).
- Unu spaco de nomoj por variabloj kaj funkcioj (Common Lisp havas du apartajn spacojn).
- Sekuraj "higienaj" makrooj (kvankam malpli potencaj ol la danĝeraj makrooj de Common Lisp).
- Realigado de "vosta rekursio" kiel iteracio sur interna malalta nivelo.
- Rekta, senpera subtenado de daŭrigoj (angle - "continuations") : programisto havas plenan regon pri ili.
- Plena subtenado de "leksike regionigitaj fermoj" (angle - "closures") - fakte, ĉiu funkcio estas ankaŭ la fermo.
- Automata senrubigo (vakigo de neuzata memoro).
[redaktu] Ekzemploj
[redaktu] Simplaj matematikaj operacioj
(+ 2 (* 2 2)) (+ 1 2 3 4)
Voko al operacio estas prezentita kiel listo, komenciĝanta per la signo de la operacio.
[redaktu] Predikatoj de tipo
(number? 5) (number? "foo") (string? "foo")
Laŭ la konvencio, la nomoj de predikataj funkcioj devas finiĝi per simbolo ?.
[redaktu] Predikatoj de egaleco
(eq? "foo" "bar") (eq? 5 (+ 2 3)) (eq? (eq? 2 3) (eq? 3 4))
[redaktu] Difino de funkcio
(define fact (lambda (x) (if (= x 1) 1 (* x (fact (- x 1))))))
(define fib (lambda (n)
(cond
((= n 0) 0)
((= n 1) 1)
(else (+ (fib (- n 1)) (fib (- n 2))))
)
))
(define sum (lambda (x)
(cond
((null? x) 0)
(else (+ (car x) (sum (cdr x))))
)
))
(fact 14)
(fib 10)
(sum '(6 6 6 100))
(sum (map fib '(1 2 3 4)))
Oni konstruas difinon de ĉiu funkcio laŭ jena modelo:
(define nomo_de_funkcio (lambda (listo_de_argumentoj) (realigado_de_funkcio)))
[redaktu] Enigo/Eligo
(display "Saluton, mondo!") ; Eligu esperantigitan frazon "Hello, World!" (display (+ (read) (read))) ; Enigu 2 nombrojn, adiciu ilin kaj eligu sumon
