Antoni Ros Marbá
Na Galipedia, a wikipedia en galego.
Naceu en L'Hospitalet de Llobregat (Barcelona) en 1937. Comeza a formarse musicalmente no Conservatorio Superior de Música barcelonés, estuda dirección de orquestra con Eduard Toldrá en Barcelona, con Sergiu Celebidache na Academia Chiggiana de Siena e con Jean Martinon en Düsseldorf, onde obtivo o Primeiro Premio de Fin de Curso.
En 1966, ao fundarse a Orquestra Sinfónica da RTVE en Madrid, consegue, por oposición, a praza de director titular. Nese ano, élle concedido o Premio Internacional do Disco Arthur Honegger pola súa gravación das Sete Palabras de Cristo de Haydn.
En 1967 foi nomeado director titular da Orquesta Ciutat de Barcelona. En 1978 acada a dirección musical da Orquesta Nacional de España e, en 1979, é nomeado principal director invitado da Orquestra de Cámara Neerlandesa, da que será, posteriormente, director titular.
En 1978, invitado polo maestro Herbert von Karajan, debutou en Berlín coa Orquestra Filharmónica, orquestra que dirixirá de novo posteriormente. No campo sinfónico, tamén tivo notables éxitos dirixindo as orquestras máis importantes de Francia, Inglaterra, Suíza, Italia, Alemaña, Escandinavia e nos principais centros musicais de América e Xapón. Coa Orquestra de Cámara de Holanda visitou China nas súas primeiras aperturas no campo musical occidental.
En 1978 debutou, invitado polo Mestre Herbert von Karajan, estréase en Berlín coa Orquestra Filharmónica. No campo sinfónico obterá sonados éxitos dirixindo as orquestras máis importante de Francia, Inglaterra, Suíza, Italia, América, Xapón e China.
A súa carreira como director sinfónico é tan notable coma a que realizou como director de óperas. Sobrancea a súa dirección en obras de Mozart: Don Giovanni, Cosi Fan tutte, La Noze di Figaro e A frauta máxica; de Strauss, Elektra e Salomé; de Verdi, Falstaff e Otelo; de Puccini como Madame Butterfly e La Bohème, Rinaldo de Haendel; Wozzeck de Berg; Carmen de Bizet e O holandés errante de Wagner; Iphigenie en Tauride de Gluck e Der Freischütz de Weber.
Ros Marbà protagonizou ademais a estrea das óperas Divinas Palabras de Antón García Abril e The Duenna de Roberto Garhard. Tamén dirixiu as primeiras gravaciones mundiais da reseñada The Duenna de R. Garhard e de La Dolores de Tomás Bretón coa Orquestra Simfónica de Barcelona i Nacional de Catalunya.
O director catalán conduciu igualmente as gravacións de zarzuelas como Doña Francisquita, Bohemios, La Verbena de la Paloma, Goyescas e Luisa Fernanda, todas elas editadas polo prestixioso selo Audivis.
Durante as últimas tempadas, o mestre Ros Marbà dirixiu con frecuencia orquestras españolas como a Orquesta Nacional de España, Orquesta Sinfónica de Barcelona, Orquesta Nacional de Catalunya, Orquesta Sinfónica e Coro de Radio Televisión Española, Orquesta Sinfónica de Tenerife, Orquesta de Valencia, sen deixar de acudir ás súas citas anuais con orquestras alemanas e dos Países Escandinavos.
Foille concedido o Premio Nacional de Música, galardón que outorga o Ministerio de Cultura, a Creu de Sant Jordi, concedida pola Generalitat de Cataluña, o Premio Internacional del Disco Arthur Honegger pola gravación das Sete Palabras de Cristo de Haydn e o Barclays Theatre Award á mellor produción operística no Reino Unido en 1997 pola intervención na montaxe de Idomeneo a cargo da Scottish Opera de Glasgow e Edimburgo.
Na actualidade, amais de ser o director titular da Real Filharmonía de Galicia, é profesor e director titular da Cátedra de Orquesta de Cámara Freixenet da Escuela Superior de Música Reina Sofía de Madrid e director da Escola de Altos Estudos Musicais de Galicia.
