Rěčespyt

Z Wikipedije, swobodneje encyklopedije

Rěčespyt (tež linguistika, přir. łać. lingua = rěč) je wědomosć wo rěčach, jich klasifikaciji, natwarje, zwukowej a pisanej formje.

[wobdźěłać] Přistupy linguistiki

Eksistujetaj znajmjeńša dwaj přistupaj k přeslědźowanju rěče:

• synchrony, při kotrymž so wěsta rěč abo fenomen we wobłuku jednoho konkretneho časa přepytuje.
• diachrony, při kotrymž so wěsta rěč abo fenomen we swojim wuwiwanju přepytuje.

[wobdźěłać] Dźělenje linguistiki

Linguistika móže so po rozdźělnych kriterijach dźělić:

• Předmjety studowace konkretne rěče (např. sorabistika, bohemistika, anglistika, hispanistika, sinologija, japanologija atd., kotrež studuja serbšćinu, čěšćinu, jendźelšćinu, španišćinu, chinšćinu, japanšćinu atd.) abo rěčne swójby, hałuzy, skupiny (slawistika, germanistika, romanistika, orientalistika, indoeuropeistika atd.).

• Předmjety studowace postajene dźěle rěče: fonetika, fonologija, morfologija a syntaksa, leksikologija a semantika, stilistika, etymologija, dialektologija a onomastika.