ბითლზი

ვიკიპედიიდან

ბითლზი (ინგლ.: The Beatles) - როკ-ჯგუფი, ჩამოყალიბდა 1960 წელს, ინგლისის ქალაქ ლივერპულში.

სექციების სია 1 შექმნის ისტორია 2 წარმატება 3 სხვა პროექტები 3.1 ანთოლოგია 3.2 Love 4 დისკოგრაფია 4.1 სტუდიური ალბომები

[რედაქტირება] შექმნის ისტორია

1957 წელს ლივერპულის ერთ-ერთი სკოლის მოსწავლემ, ჯონ ლენონმა გადაწყვიტა შეექმნა ჯგუფი. მან კოლექტივს თავდაპირველად "The Blackjacks" უწოდა, მაგრამ ერთი-ორ კვირაში შეცვალა და "The Quarry Men" დაარქვა. სწორედ ამ ჯგუფის ერთ-ერთ პატარა კონცერტზე გაიცნო ლენონმა 15 წლის პოლ მაკარტნი და პოლიც მისი ჯგუფის წევრი გახდა. ჯორჯ ჰარისონი კი მაკარტნის სკოლის მეგობარი იყო, სწორედ ამ უკანასკნელმა მიიყვანა ჯორჯი ჯგუფში.ამ დროს მაკარტნი ჯერ კიდევ დასარტყამებზე უკრავდა. ჯორჯის მოსვლის შემდეგ მათ კიდევ შეიცვალეს სახელი და დაირქვეს "Johnny and the Moondogs".

ბას-გიტარისტად ჯონმა მოიწვია თავისი ნაცნობი ხელოვნების კოლეჯიდან, სტიუარტ სატკლიფი. ამ დროისთვის ჯგუფს "Silver Beetles" ერქვა. დრამერად კი პიტ ბესტი მოიყვანეს, რომელიც ჯგუფში ყველაზე მეტად გამოირჩეოდა და გოგონებში იმ დროს ყველაზე დიდ ინტერესს იწვევდა. 1960 წელს ბითლზი პირველად გაემგზავრა ჰამბურგში, სადაც საკმაოდ წარმატებით ჩატარდა მათი გასტროლები. ჰამბურგის ტურნეს შემდეგ სტიუარტმა დატოვა ჯგუფი.1962 წელს კი პიტ ბესტიც მის კვალს გაჰყვა და იგი რინგო სტარმა შეცვალა.

ამ დროისათვის ბითლზმა უკვე დაიქირავეს მენეჯერად ბრაიან ეპსტაინი. მათი პირველი სინგლი Love Me Do გამოშვებულ იქნა 1962 წლის 5 ოქტომბერს და გამოშვებისთანავე დიდ ჰიტად იქცა, რასაც მოჰყვა 1963 წელს ბრიტანეთში დაწყებული ე.წ. "ბითლომანია", რომელმაც მთელი მსოფლიო მოიცვა. საუკეთესო წლად ოთხეულის შემოქმედებაში ითვლება 1964 წელი.ამ წელს მათ წარმატებით მოიარეს ამერიკა, რაც იშვიათი მოვლენაა ბრიტანული ჯგუფისთვის.

[რედაქტირება] წარმატება

1966 წელს ბითლზი დიდი ზეწოლის ქვეშ მოექცა. ჯონი ხედავდა, რომ მთელი მსოფლიო შეიშალა და ბითლზის მეტი არაფერი ახსოვს. მან გააკეთა სკანდალური განცხადება იმაზე, რომ ისინი იესოზე უფრო პოპულარულები იყვნენ.არასწორი ინტერპრეტაციის გამო ავარდა ანტი-ბითლური ტალღა, რომლის პერიოდშიც ადგილი ჰქონდა მასობრივ პროტესტებს, ხალხის გამოსვლებს, ბითლზის ალბომების და სურათების სახალხოდ დაწვას კოცონზე და ა.შ. (მიუხედავად იმისა, რომ ჯონმა სახალხოდ ბოდიში მოიხადა თავისი ფრაზისათვის).

60-იანი წლების განმავლობაში ბიტლზი არამარტო ყველაზე პოპულარული მუსიკალური ჯგუფი გახდა, არამედ გავლენა მოახდინა იმ დროის მუსიკალურ სტილსა და გემოვნებაზე. ისინი ერთ-ერთი პირველები იყვნენ ვინც დაიწყო "პოპ პრომო ფილმების" გაკეთება, რასაც დღეს კლიპებს უწოდებენ.60-იანების შუა ხანებში მათ ჰქონდათ მრავალი კონცერტი და ტურნეები.თუმცა, 1967 წელს მათ შეწყვიტეს საკონცერტო მოღვაწეობა და სტუდიურ სამუშაოს დაუთმეს დრო.ამავე წელს გარდაიცვალა მათი მენეჯერი ბრაიან ეპსტაინი.ჯგუფში უთანხმოებები წარმოიშვა, რაც საბოლოოდ მისი დაშლის მთავარი მიზეზი გახდა.

ბითლზის ბოლო გამოსვლა პუბლიკის წინაშე მოხდა 1969 წლის 30 იანვარს, "Apple"-ს ხმისჩამწერი სტუდიის შენობის თავზე, სადაც ჩატარდა მათი მოკლე კონცერტი.მათი ბოლო სტუდიური ალბომი Let It Be გამოვიდა 1970 წლის 8 მაისს. ამ დროისთვის ჯგუფი უკვე დაშლილი იყო. ოფიციალური განცხადება მისი დაშლის შესახებ პოლ მაკარტნიმ 1970 წლის 17 აპრილს გააკეთა.

[რედაქტირება] სხვა პროექტები

[რედაქტირება] ანთოლოგია

სინგლის "Free as a Bird" და ალბომის Anthology 1 გამოცემასთან დაკავშირებით, 1995 წელს ტელევიზიით ნაჩვენები იქნა ანთოლოგიის დოკუმენტური სერიალი.იგი ხუთი წლის განმავლობაში მზადდებოდა და მისი საერთო ხანგრძლივობაა 1.760 წუთი.აქ შესულია ოფიციალური პრომო-კლიპები და ინტერვიუები.ფილმი ქრონოლოგიურად მიჰყვება ბითლზის ისტორიას და გამოცემულია VHS, ლაზერული დისკის და DVD ფორმატში.

[რედაქტირება] Love

Love არის Cirque du Soleil - ის 2006 წლის თეატრალური დადგმა, რომელშიც შეტანილია ბითლზის კომპოზიციები სრულიად შეცვლილი სახით.ეს არის Cirque du Soleil - სა და ბითლზის კომპანიის Apple Corps Ltd შორის დადებული ხელშეკრებულების პირველი შემთხვევა. მუსიკის მიქსზე იმუშავეს სერ ჯორჯ მარტინმა და მისმა შვილმა ჯაილს მარტინმა , მაკკარტნის, ოლივია ჰარისონის (ჯორჯის ქვრივის), სტარისა და იოკო ონოს ნებადართვით.ალბომს აქვს ე.წ. 5.1 ჟღერადობა, ანუ მისი მოსმენა ხუთ-არხიანი აუდიო-სისტემის საშუალებითაც არის შესაძლებელი.

[რედაქტირება] დისკოგრაფია

სრული დისკოგრაფია

[რედაქტირება] სტუდიური ალბომები

	1963	Please please me
	1963	With the Beatles
	1964	A hard day's night
	1964	Beatles for sale
	1965	Help!
	1965	Rubber soul
	1966	Revolver
	1967	Sgt. Pepper's Lonely Hearts Club Band
	1968	Magical mystery tour
	1968	The Beatles (White Album)
	1969	Yellow Submarine
	1969	Abbey Road
	1970	Let it be