ბლუთუზი
ვიკიპედიიდან
ბლუთუზი (ინგ. Bluetooth - ლურჯი კბილი) მონაცემთა გადაცემის უსადენო ტექნოლოგიას წარმოადგენს. იგი საშუალებას იძლევა გადაიცეს მონაცემები 720 კბ/წმ სიჩქარით, ყოველგვარი დამაკავშირებელი სადენების გარეშე სხვადასხვა ტიპის მოწყობილობებს შორის, როგორებიცაა: მობილური ტელეფონები, ჯიბის კომპიუტერები, პერსონალური კომპიუტერები, პრინტერები, ციფრული ფოტოაპარატები, მაცივრები, კონდიციონერები, მიკროტალღოვანი ღუმელები და სხვა.
ტექნოლოგია აქტიურად გამოიყენება ბიზნესში, მედიცინასა და სხვა სფეროებში. მისი მოქმედების რადიუსი განისაღზვრება 10-დან 100 მეტრამდე. ინფრაწითელი პორტისაგან (IrDa) განსახვავებით, ბლუთუზის რადიოტალღები ბეტონისა და ლითინოს კონსტრუქციებს შორისაც აღწევს. დაკავშირებისას იქმნება ქსელი piconet და 7-8 მომხმარებელს შეუძლია ერთდროულად ჩაერთოს მასში.
აპარატურულად ბლუთუზი მცირე ზომის, მაღალი სიმძლავრის მიმღებ-გადამცემი მოწყობილობაა, რომელიც 2.4465-2.4835 გჰც დიაპაზონში მუშაობს.
[რედაქტირება] ისტორია
1994 წლის დასაწყისში შვედურმა კომპანია ერიქსონმა შექმნა საცდელი ჯგუფი, რათა შეესწავლათ სხვადასხვა მოწყობილობებს შორის, ახლო მანძილზე, რადიოტალღების მეშვეობით მონაცემთა გადაცემის შესაძლებლობები. კვლევის წარმატებით დამთავრების შემდეგ, 1998 წელს შვედური და კიდევ რამოდენიმე წამყვანი კომპანიების (ნოკია, აი-ბი-ემი, ინტელი, ტოშიბა) თანამშრომლობის შედეგად დაარსდა სპეციალური ჯგუფი, რომელმაც აქტიურად დაიწყო ბლუთუზის სტანდარტის შემუშავება. 1998 წლის მაისში უკაბელო კომუნიკაციის ახალი სტანდარტის შესახებ ოფიციალური განცხადება გაკეთდა.
[რედაქტირება] პროფილები
ბლუთუზ ტექნოლოგია მრავალპროფილიანია. თითოეული პროფილის მხარდაჭერა ბლუთუზით აღჭურვილ მოწყობილობას კიდევ უფრო მეტ შესაძლებლობას აძლევს მაქსიმალურად გამოყენებულ იქნეს ტექნოლოგიის შესაძლებლობები.
- GAP -Generic Access Profile
- SDAP-Service Discovery Application Profile
- CTP-Cordless Telephony Profile
- IP-Intercom Profile
- SPP-Serial Port Profile
- HS-Headset Profile
- DNP-Dial-up Networking Profile
- FP-Fax Profile
- LAP-LAN (Local Area Network) Access Profile
- GOEP-Generic Object Exchange Profile
- OPP-Object Push Profile
- FTP-File Transfer Profile
- SP-Synchronization Profile
- ESDP-Extended Service Discovery Profile (for Universal Plug and Play)
- A2DP-Advanced Audio Distribution Profile
- AVRCP-Audio Video Remote Control Profile
- BIP -Basic Imaging Profile
- BPP -Basic Printing Profile
- CIP-Common ISDN Access Profile
- GAVDP-Generic Audio Video Distribution Profile
- HFR-Hands-Free Profile
- HCRP-Hardcopy Cable Replacement Profile
- HID-Human Interface Device Profile
- PAN-PAN (Personal Area Networking) Profile
- SAP-SIM Access Profile
