ლევან V დადიანი

ვიკიპედიიდან

საკუთარ სახელს "ლევან " აქვს სხვა მნიშვნელობებიც. იხილეთ: ლევან

ლევან V დადიანი (* 1791 ― † 1846), ოდიშის მთავარი 1805-1840, გრიგოლ დადიანის ძე. მამის გარდაცვალების დროს მძევლად ჰყავდა აფხაზეთის მთავარ ქელიშბეი შარვაშიძეს, რომლისგანაც მისი განთავისუფლება 1805 გაზაფხულამდე ვერ მოხერხდა. თავდაპირველად ლევან V დადიანის მცირეწლოვანების გამო ოდიშის სამთავროს 4 წევრისაგან შემდგარი საბჭოს დახმარებით განაგებდა დედამისი, დედოფალი ნინო (1805-1810); 1811-იდან ლევან V დადიანი უშუალოდ შეუდგა სამთავროს მართვა-გამგეობას. აქტიურად მონაწილეობდა რუსეთის ხელისუფლების მიერ დასავლეთ საქართველოში მოწყობილ სამხედრო ექსპედიციებში: 1809 მონაწილეობდა ფოთის აღებაში, 1810 - იმერეთის სამეფოს დამორჩილებაში, 1819-20 - იმერეთისა და გურიის აჯანყების ჩახშობაში. ასევე დაეხმარა მეფის რუსეთს აფხაზეთის სამთავროში რუსეთი | რუსეთის ხელისუფლების განმტკიცებაში. 1813 ლევან V დადიანმა შემოიერთა სამურზაყანო, რომელსაც 1840-მდე მართავდა. მის დროს, 1830, ოდიშის სამთავროში დაარსდა პირველი სასწავლებელი - მარტვილის სასულიერო სასწავლებელი. 1840 უარი თქვა სამთავრო ტახტზე თავისი შვილის დავითის სასარგებლოდ, თუმცა მთავრის ტიტულს სიკვდილამდე ატარებდა.

Retrieved from "http://ka.wikipedia.org../../../%E1%83%9A/%E1%83%94/%E1%83%95/%E1%83%9A%E1%83%94%E1%83%95%E1%83%90%E1%83%9C_V_%E1%83%93%E1%83%90%E1%83%93%E1%83%98%E1%83%90%E1%83%9C%E1%83%98_6c2d.html"

კატეგორიები: ქართველები | სამეგრელოს (ოდიშის) მთავრები | დაბადებული 1791 | გარდაცვლილი 1846

ლევან V დადიანი

ვიკიპედიიდან

Views

ნავიგაცია

ძიება