Aschermittwoch for one
Us de Wikipedia
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)
Op Silvester, am Engk vum Johr, jitt et, jedes Johr widder, en de Äujelskess dat Stöckelche Dinner for one. En ahl Madamm hät Jebootsdaach. Ävver all ehr Fründe sin allt lang unger dr Ääd. Un su muss dä Butler all die Fründe vertredde un met dä Madamm (nit nor ene) pichele. Dat dä ärme Kääl am Engk vun däm Stöck stäneharelvoll es, bliev nit us. Op die Froch vun däm Butler „The same procedure as last year?“ säät die Ahl jedes Mol: „The same procedure as every year!“.
Am Engk vun de Fastelovendszick läuf allemolde am Karnevalsdinsdaach öm Meddernaach (em drette Projramm vum Wessdeutsche Rundfunk) dat jliche Stöck op Kölsch: Aschermittwoch for one. Die Akteure sin:
- Manes (ene Köbes)
- Marieche (en ahl Funkemarieche, dat Jebootsdaach hät)
Die Fründe, die janitt do sin, un die dä Köbes spille muss:
- Schnäuzers Tünn (Anton Koberch, Ehrenpräsident a.D. der KG Alt Sülz vun 1886)
- Knubbels Lang (Fritz Lang Schmitz, langjähriger Knubbelführer a.D. vun de blaue Funke vun 1893)
- Fuss (Schäng Schmitz, langjähriges und trinkerprobtes Mitglied vum Kalker Straßenkarneval)
- Intimus und Schmecklecker Jean-Batiste (Schäng Batiste Amelung, langjähriger Fötchesföhler)
Dä Höhepunk kütt, wann am Engk vun däm Stöck dä Manes sing Froch stellt: „Datselbe Prozedere wie jedes Johr, Marieche?“. Dodrop säät dat Marieche: „Datselbe Prozedere wie jedes Johr, Manes!“. ... Un die zwei jonn noh bovvenop.
