Got
Ji Wîkîpediya
Got an Gotan, qewmeke Germana Skandînavî bi gumanî li Gotland, îroj di xakên Swêd de, dijî bûn. Di sedsala 2'an de wan dest bi koçê kirin û ji Skandînavya de der ketin û li Scythia, Dakya û Pannonia, ango bakura Derya Reş bicih bûn. Di sedsala 3'an de Got wek gotên rojhelat(Ostrogot) û gotên rojava (Vîzîgot) bûn du paran. Di sedsala 3'an de Vîzîgotan êrîşên mezin li ser Împaratoriya Roma kirin. Lê ewna ji alîya Aurelius Claudius û Gallienus hatin rawestandin. Di sedsala 4'an de him Vîzîgot him jî Ostrogot çendayî bin bandora Romayan de man. Di wê demê de ewna bi çendayî wergera Aryanîzm bûn.
Di 370an de ji rojhelat de êrîşên Hûn dest pê kir. Van êrîşan li ser qewmên germen bandora domîno kir û wan jî rojava de koç û êrîşa Romayan kirin. Di wê demê de di 376an de Keyê Vîzîgotan Fritigern ji Împaratorê Împaratoriya Romaya Rojava Valens ji bo li başûra Tuna bicih bûnê destûr xwest. Valens destûr da ewna li başûra Tuna bicih bûn. Lê sal venegerîya di 377an xela peyda bû û navbera Împaratoriya Romaya Rojava û Gotan de Cengên Gotîk der ketin û heta 382 dewam kirin û bi peyamaneke navbera Roma û Gotan re xelas bû. Çi qas bi dawî Roma Got bin xistin jî di wan cengan de di 378an de di Cenga Adrianapolis de împarator Valens hat kuştin.
Vîzîgotan di serdarîya Alaric I de di 410an de bajara Roma dagir kirin. Honorius Vîzîgot li Galya bicih kirin û wan di 475an de Vandal li wir bin xistin û li Nîvgirava Îber serwerî ajotin. Ji pê re ew keyîtîyê li îber ji alîya Justinianus I hat hilweşandin. Got bi xwe jî di nav qewmên din de heliyan û zimanê xwe Gotî jî bîr kirin.
