Lingua Ucrainica
E Vicipaedia
| Lingua Ucrainica (українська мова) |
|
|---|---|
| IPA | sic |
| Locutores | 41 decies centena milia |
| Familia | Linguae Indoeuropaeae (Linguae Baltoslavicae) |
| Scriptura | nulla |
| Vicipaedia | nulla |
| Status publicus | |
| Lingua civitatis | Ucraina |
| Lingua privata | Ucraina, Russia, Casachia, CFA, Moldavia, Brasilia, Hungaria, Canada, Ruthenia Alba et aliae |
| Procuratio linguae | Nationalis Academia Scientiarum Ucrainae |
| Notae ISO linguae | |
| 1, 2, 3=SIL | uk, ukr, ukr |
| Vide etiam: Linguae mundi, Linguarum officialium catalogus | |
Lingua Ucrainica (українська мова) est lingua Ucrainorum, ex linguis Indoeuropeis, sub familia Slavica subsummata. Cum lingua Russica et lingua Ruthenica Alba, Slavicum orientale format.
Lingua Ucrainica tantum in Ucraina primaria, ibi lingua publica est. Etiam est lingua natalis nonnullorum hominum in Russia, Casachia, Canada, Ruthenia Alba, et aliis terris.
Index |
[recensere] Historia
- Saeculis VII–XIV: lingua Ruthenica antiqua
- Saeculum XIV–medium saeculis XVIII: lingua Ucrainica antiqua
- Ab fine saeculi XVIII: lingua Ucrainica hodierna
[recensere] Abecedarium
Basis abecedarii linguae Ucrainicae, quod 33 litteras habet, est abecedarium Cyrillicum.
Alphabetum Ucrainicum varias formas transliterationis in abecedarium Latinum habet.
| Litterae Cyrillicae | А а | Б б | В в | Г г | Ґ ґ | Д д | Е е | Є є | Ж ж | З з | И и | І і | Ї ї | Й й | К к | Л л | М м |
| Varians latinizationis | A a | B b | V v | H h | G g | D d | E e | Je je | Ž ž | Z z | Y y | I i | Ji ji | J j | K k | L l | M m |
| Litterae Cyrillicae | Н н | О о | П п | Р р | С с | Т т | У у | Ф ф | Х х | Ц ц | Ч ч | Ш ш | Щ щ | Ь ь | Ю ю | Я я |
| Varians latinizationis | N n | O o | P p | R r | S s | T t | U u | F f | Kh kh | C c | Č č | Š š | Šč šč | ' | Ju ju | Ja ja |
[recensere] Grammatica
[recensere] Morphologia
[recensere] Nomina
Nomina substantiva linguae Ucrainicae habent:
- tria genera: masculinum, femininum, neutrum
- duos numeros: singularis et pluralis
- septem casus: nominativus, genetivus, dativus, ablativus (instrumentalis), accusativus, locativus, vocativus
- quattuor declinationes
[recensere] Adiectivi
Adiectivi in lingua Ucrainica duos numeros, septem casus, et in numero singulari tria generes habent.
[recensere] Pronomina
In lingua Ucrainica sunt:
- pronomina personalia: tres personae, duo numeri, sex casus (sine vocativo); in persona tertia numeri singularis sunt tria generes
- pronomen reflexivum: quinque casus (sine nominativo et vocativo) habet
- pronomina possessiva: tres personae, tria generes, in personis prima et secunda sunt duo numeri et sex casus
- pronomina determinativa
- pronomina demonstrativa: duo numeri, sex casus, in numero singulari etiam tria generes
- pronomina interrogativo-relativa: хто (quis) et що (quid) habent sex casus; pronomen чий (cuius) etiam habet duo numeros et tria generes in numero singulari
- pronomina negativa
- pronomina indefinita
[recensere] Numeralia
Numeralia linguae Ucrainicae sunt:
- cardinalia: sex casus habent; numeralia один (unus), два (duo), et certa alia generes habent
- ordinalia: tria generes et sex casus habent, modo adiectivorum declinantur.
[recensere] Verba
Verba in lingua Ucrainica habent:
- quinque tempora: praesens, praeteritum, plusquamperfectum, futurum simplex, futurum compositum
- tres personas
- tres modi: indicativus, imperativus, et coniunctivus
- duo genera: activum et passivum
- duos aspectus: imperfectivus et perfectivus
- duos numeros
- duas coniugationes
In numero singulari temporis praeteriti plusquamperfectique, verba linguae Ucrainicae habent generum formas masculinas, femininas, et neutras.
Infinitivi, participia, et gerundii linguae Ucrainicae non coniugantur.
[recensere] Syntaxis
Positio verborum communis in sententiis linguae Ucrainicae est subiectum ante praedicatum ante obiectum, sed ordo verborum in lingua illa relative non pergravis est, quia relationes verborum per flexiones monstratur.
