Kierch Lëtzebuerg-Zens

Vu Wikipedia, der fräier Enzyklopedie.

Kierch Lëtzebuerg-Zens
kee Bild do
Uertschaft	Stad Lëtzebuerg (Zens)
Par	Lëtzebuerg-Zens
Numm	Hl. Geescht
Konsekratiounsjoer	1980 (25. Mee)
Parverband	Cents, Hamm
Architekt(en)	Michel Mousel, Edouard Stein
Reliéis Gebaier

De Grondsteen fir d'Helleg Geescht-Kierch um Zens gouf de 15. Mee 1976 geluecht. Op Päischten 1980 (25. Mee) gouf se vum Bëschof Jean Hengen geweit. Et ass eng vun dene jéngste Kierchen zu Lëtzebuerg an och eng vun deene modernsten. Well se eréischt komplett nom 2. Vatikanesche Konzil geplangt (vun den Architekten Michel Mousel a Edouard Stein) a gebaut gouf, war et méiglech, sech ganz no den Neierungen vun der Liturgiereform auszeriichten.

De Lëtzebuerger Kënschtler Théo Kerg huet souwuel d'Fënsteren ewéi och de Mobiliar gemaach(déi meescht vun dësen Objeten si beschrëft):

en 2 Tonne schwéieren Altor aus Bëtong
Ambo och aus Bëtong: "D'Wuert vun der Verséinung"
Dafsteen
Bëtongssokel ënnert dem Tabernakel (aus Glas mat Drauwen an Éigen drop): "Credidimus Caritate" (mir hunn un d'Léift gegleeft)
Wäiwaasserséil an der Entrée: "Salve" (Moien)
Bëtongssokel ënnert der Muttergottesstatu: "Mater" (Mamm)
Sëtzer am fer forgé: "Veni Sancte Spiritus" (Komm Hellege Geescht)
Fënsteren aus Glasbeton:
- hannert dem Tabernakel
- als Kräiz: "Jesus" (2 Mol)
- lénks am Chouer: "Hoffnung Espérance Spes"
- riets am Chouer
- riets an der Kierch (niewt der Uergel): "Freude schoener Goetterfunke"
- iwwert der grousser Entrée: "Que ta joie demeure" (2 Mol)
- iwwert der klenger Entrée: "Que ta joie demeure"
- an der Wiertegkapell
- am Tuerm: " $\rm P \!\!\!\!\! -$ " (Christuszeechen)
- iwwert der Aganksdier: "Alleluia"