Krimkrich
Vu Wikipedia, der fräier Enzyklopedie.
 |
Dëse Geschichtsartikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
De Krimkrich (och Orientkrich) gouf vun 1853 bis 1856 op der Krimhallefinsel tëschschent Russland op der enger Säit an dem Osmanesche Räich, Frankräich, Groussbritannien a vun 1855 och Piemont-Sardinien (dem politisch wichtegste Virleeferstaat vum spéideren Italien) op der aner Säit ausgedroen. En huet als néngten Tierkekrich ugefaang. De russeche Versuch, säi Gebitt op Käschte vum Osmanesche Räich ze vergréisseren, gouf duerch den Asaz vun den Alliéierte verhënnert. De Krimkrch gëllt als deen éischte modernen Stellungskrich an als besonnech schlecht virbereet.
[Änneren] Ursach: déi Orientalesch Fro
D'Wuerzele vum Konflikt leien an der orientalescher Fro, déi duerch den Niddergank vum Osmanesche Räich, dem "Kranke Mann um Bosporus" ëmmer méi virulent gouf. Zënter dem Enn vum 18. Jorhonnert huet Russland versicht, säin Afloss um Balkan ze vergréisseren an den Osmanen d'Kontroll iwwert de Bosporus an d'Dardannellen, déi strategesch wichteg Mierenkte tëschent dem Schwaarze Mier an dem Mëttelmier ze enträissen. D'russesch Victoire am Russesch-Tierkesche Krich vun 1828/29 an den Ofschloss vum Traité vun Unkiar-Skelessi, 1833, an deem dat Osmanescht Räich fir de Krichsfall Russland de Blockage vun de Mierenkte fir feidlech Krichsschëffer zougesot hat, schéngen d'Viraussetzungen dofir geschafen ze hunn.
Groussbritannien, Frankräich an och Éisträich hunn an der méiglecher russecher Kontroll iwwer d'Mierenkten eng Bedrohung vun hiren Interessen um Balkan, am ëstleche Mëttelmier an am Noen Osten gesinn. 1841 geléngt et den europäesche Groussmiecht, d'Ofkommes vun Unkiar-Skelessi opzehiewen.
