Samisch

Van Wikipedia

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.

Samisch (Saami of Sami) is 'ne verzamelnaam vör de tale en taalvariëtete, die gekald werre dör de Saami in 't noorde va Noorwege, Zjwede en Finlaand en in 't noord-weste va Rusland.

Inhawd

1 D'r naam Laps
2 Eenheed in diversiteet
3 Tundra en rendeer
4 Nordic Sami Council
5 Internationaal Songfestival vör Europese minderheedstale

[bewirk] D'r naam Laps

D'r naam Laps wert dör de sjpraeëkers van de taal es 'n sjeldwaoërd ervare. In Scandinavië, mae och in de vaktaal van taalkundigen wert d'r naam Laps dan och, um die raej, neet mie gebroekt.

[bewirk] Eenheed in diversiteet

In Finlaand en Noorwege is 't Samisch 'n officieel taal en in Zjwede 'n officieel minderheidstaal. 't Samisch behuurt tut de Finoegrische tale. Um politiek-kultureel raejes wert 't Samisch es ing taal behandeld mae taalkundig bezieë geet 't um versjillende tale en taalvariëtete die neet allemaol onderling te versjtoeë zeunt. In totaal kalle 'n 35.000 Saami de taal. 't Gift in totaal 10 tale of variaante oeëvan d'r zis 'n eege sjrif haant. De veer aander werre tesame nog dör 'n 500 luuj gekald. De tale mit 'n eege sjrift heesje: Noord-Samisch; Lule-Samisch; Zuid-Samisch; Inari-Samisch; Skolt-Samisch; Kildin-Samisch.

[bewirk] Tundra en rendeer

't Innige lieënwaoërd oet 't Samisch in ander tale is 't waoërd Tundra. In 't Nederlands wert daomit väöral nao 'n klimaatzone verwaeze en in 't bezoonder nao de (haof) bevraore mossteppe. De Saami verwieze daomit nao 'n geografische gebied: n.l. 't bergachtige Noordpoolgebied. 't Samisch haat mieë wie 400 waoërd vör rendeer.

[bewirk] Nordic Sami Council

In 1959 is d'r grensuvversjrejjende (Finlaand, Noorwege, Zjwede)Nordic Sami Council opgerich. Och al zeunt d'r nog vraoge op te losse wat 't rech op laand en natuurleke bronne aageunt, de Saami zeunt officieel erkind en in de Scandinavische leng is hun taal en kultuur 'n vak an de universitete.

[bewirk] Internationaal Songfestival vör Europese minderheedstale

In 2006 waoërt 't Internationaal Songfestival vör Europese minderheedstale (Liet Lavlut) in Östersund (Laplaand) in Zjwede gehaowe. 't Muziekfestival waor in zis leng op d'r tillevies te zieë, oeëoonder och Nederland (Omroep Fryslan; Nederland 2; 1.1.2007 um 11 oor). D'r winnaar waor d'r groep dae in 't Samisch zong. D'r groep, jong luuj mit kristalhelder sjtimme in traditioneel klijjer, makde 'n gesjlaagde combinatie van modern en traditioneel elemaente.