Hünersedel
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Hüenersedel« |
| Hüenersedel | |
|---|---|
| Höchi | 744 m |
| Lag | Bade-Württeberg, Dütschland |
| Gebirge | Schwarzwald |
| Geographischi Lag | 48° 12′ 17" N, 7° 58′ 17" O |
Dr Hüenersedel isch e Berg im Middlere Schwarzwald mit ere Höchi vu 744 m. Er lit im Grenzgebit vu dr beide Gmeinde Schudderdal un Freiamt. Dr Gipfel vum Berg lit am nördliche End vu dr Freiamter Gmarkig. Am Hüenersedel entspringt s'Flüssli Schudder. Dr Hüenersedel isch dr höchste Berg im alde Landkreis Loahr.
In ere Urkunde vu anno 926 wird dr Berg „Stoufinberc“ gnennt.
Am 2. Oktober 2004 isch uf em Hüenersedel e Ussichtsturm igwihe worre. Dr 29 Meter hoch Turm, wo mit Hilf vu private Spendegelder (200.000 €) errichtet worre isch, bitet e witrümige Rundumblick bis Strossburg, zue dr Vogese, über dr middler Schwarzwald, d'Rhiebeni sowie die angrenzede Däler (Schudderdal, etc.).
