Schwarzwald
Us der alemannische Wikipedia, der freie Dialäkt-Enzyklopedy
Dr Schwarzwald het e Längi vo ca. 160 km vu Pforze im Norde bis Waldshuet im Süde vo Dütschland. Dr Schwarzwald isch chuum meh wie 20 km breit im Norde un ca. 60 km im Süde. D'Gipfel vum Schwarzwald erreiche Höche vu 1166 m (Hornisgrinde) im Nordschwarzwald bis zue 1493 m (Feldberg im Schwarzwald) im Südschwarzwald. Im Weste fallt dr Schwarzwald steil ab zue dr Oberrhiebeni, ab uf e Höchi vu chuum meh wie 200 m, wogege er im Oste samft in Richtig Done- un Neckardal bis uf e Höchi vu ca. 600 m goht.
[ändere] Name
Obwohl de Schwarzwald längeri Zit zum Römische Riich ghört het, werd er nu wenig i de Antike Literatur gnennt (lat. Mons Abnoba; agr. ᾿Άβνοβα ὄρη). Im Schwarzwald selber isch d Waldgöttin Abnoba verehrt worde. De Ammianus Marcellinus brucht dagege de Name Marciana silva, und so au d Peutingersche Tafle (Tabula Peutingeriana). De Name ghört alefalls zu ahd. marcha "Grenze" oder zu ae. mierce "dunkel". De hütig Name erschint zerstmol inere Urchund usem Joor 868 vom Chloster Sanggalle: juxta fluvium Melia in saltu Svarzwald ("bim Fluss Meehlin im Waldgebirge Schwarzwald").
[ändere] Gwässer
Im Schwarzald entspringe zahlriichi Flüss un chleineri Bäch. Am wichtigschte sin zuem Bispil d' Brigach und d' Breg, wo lut em Volksmund „d' Donau z'wäg“ bringe. Witteri Flüss, die ihri Quälle im Schwarzwald hän sin d' Dreisam, wo durch Friiburg fließt, d' Elz, d'Enz, d' Kinzig, d'Murg, d'Nagold, d'Wutach, d' Schiltach, d'Wehra un d'Wiise. D'Wiise, wo am Feldberg entspringt, stürzt sich zwische Todtnau un Aftersteg 97 Meter in d'Tiefi un bildet dodemit ein vo de höchschte Naturwasserfäll in Dütschland. Si fließt drno durch Schönau, Zell, Schopfe un Lörrach um deno z'Basel in de Rhi z'fließe.
Näbe däne Flüss git's im Schwarzwald aber au mehreri Seee. Die bekannteschte vo denen sin wahrschiinlich de Feldsee uf em Feldberg, de Titisee un de Schluchsee
[ändere] Webgleicher
