Hausen im Wiesental

Huuse im Wiisetal [huzə ɪm vizədɑl] isch e chleini Gmei im Wiisetal im Landchreis Lörrch. Si isch als Heimetort vom alemannische Dichter Johann Peter Hebel bekannt und wird deswege au oft Hebeldorf gnännt. Huuse hätt im Moment 2402 Iiwohner.

Inhaltsverzeichnis

1 Geografie
2 Gschicht
3 Politik
4 Persönlichkeite
5 Wirtschaft un Infrastruktur
6 Links

[ändere] Geografie

Huuse lit zmits im Wiesetal, fascht uf halbem Weg zwische Feldberg und Basel. D Gmarkung vom Ort erstreckt sich über 514 Hektar, der höchschte Punkt isch um em Tannenbühl (727 m. ü.M.). Nochbergmeie vo Huuse sin unter anderem Zell und Schopfe.

[ändere] Gschicht

Huuse isch 1295 s'erscht Mol urkundlich erwähnt worde. Wirklich bekannt worde ischs dann am Schluss vom 17. Johrhundert, wo mer im Ort e markgräfliches Iisewerk errichtet hät. Des Werk isch ein vo de größte Industriebetrieb in de Markgrafschaft un im Markgräflerland gsi und hät bis ins 19. Johrhundert bschtande. Aschließend isch in Huuse, wie überall im Wiisetal, d' Textilindustrie sesshaft worde, allerdings ischs au mit dere ihre Bedütig am End vom 20. Johrhundert bergab gange. Im Gegesatz zue andre Gmeie im Tal hätt Huuse aber au hüt no e großi Textilfabrik.

[ändere] Politik

Huuse hätt e Gmeirot mit 12 Gmeiröt un em Burgermeischter als Vorsitzende. Sit de letschte Wahl im Johr 2004 hän die drei Fraktione SPD, Freii Wähler un CDU jewils 4 Sitz im Gremium. Huuse hät zwei Partnergmeinde, nämlich Huuse im Aargau und Marlieshuuse, hützetag en Ortsdeil vo Wipfratal in Thüringe.

[ändere] Persönlichkeite

Die wohl bekannteschti Persönlichkeit vo Huuse isch de alemannische Dichter Johann Peter Hebel. Hebel isch zwar in Basel uf d' Welt cho, hätt aber en Großteil vo sinere Chindheit in Huuse verbrocht und isch dört au vo 1766 bis 1769 uf d' Schuel gange. Zu sine Ehre wird jedes Johr am 10.Mai in Huuse s Hebelfescht gfiiret, un alli zwei Johr verleiht s' Land Bade-Württeberg dört de mit 10.000 dotierte Hebelpriis. Ußerdem verleiht d' Gmei Huuse jedes Johr d' Hebelplakette. S' Heimethuus vom Hebel, s' sognannte Hebelhuus oder Hebelhüsli, isch als Heimetmuseum iigrichtet worde. Wiiteri bekannti Persönlichkeite vo Huuse sin de August Babberger, en wichtige expressionistische Moler, wo am 8. Dezember 1885 in Huuse uf d' Welt cho isch. Ebefalls in Huuse uf d Welt cho isch de Johann Sebastian Clais, wo als Erfinder uf em Gebiet vo de Salzgwinnig bekannt worde isch.

[ändere] Wirtschaft un Infrastruktur

[ändere] Musik

Sit 1855 git's in Huuse d' "Hebelmusik". Ußerdem git's no zwei Chilchechör (ein katholische un ein evangelische) sowie de "Förderverein Musikschuel".

[ändere] Verkehr

Huuse hät zämme mit Schopfe-Raitbach en Bahnhof an de S-6-Regio-Bahn vo Basel nach Zell. Ußerdem git's im Rahme vom Regio Verkehrsbund Lörrach lokali un regionali Busverbindige.